ताजा समाचारब्रेकिंग न्यूज

आदिवासी संस्कृति के संरक्षण बर बस्तर म डेढ़ सौ देवगुड़ी के निर्माण

मुख्यमंत्री के अध्यक्षता में बस्तर प्राधिकरण के बैइठक

रायपुर । बस्तर प्राधिकरण के बैइठक म अगले माह मार्च तक 150 देवगुड़ी निर्माण बर डेढ़ करोड़ रुपिया तत्काल मंजूर करे गिस हे। साथ ही संबंधित अधिकारी मन ले कहे गे हे कि ए राशि ल दस मार्च तक जारी करदे जाए। हरके देवगुड़ी बर एक लाख रूपिया मंजूर करे गेहे।
बस्तर प्राधिकरण के कार्य क्षेत्र म 12 जिला के आदिवासी संस्कृति के संरक्षण अउ विकास बर वर्ष 2017-18 म 218 देवगुड़ी निर्माण के लक्ष्य हवय। एखर बर एक-एक लाख रूपिया के मान ले दो करोड़ 18 लाख रूपिया के धनराशि आवंटित करे जा चुके हे।
मुख्यमंत्री डॉ. रमन सिंह ह बीते गुरुवार के होए बैइठक म 150 अउ देवगुड़ी निर्माण के स्वीकृति प्रदान करिस हे। आदिम जाति विकास विभाग ले संचालित शहीद वीरनारायण सिंह स्वावलंबन योजना म आदिवासी युवा मन ल स्व-रोजगार स्थापना बर देय जात के वित्तीय सहायता के बैइठक म समीक्षा करे गिस।

Related Articles

Leave a Reply

Your email address will not be published. Required fields are marked *

Close