एस्मा ले परेशान शिक्षाकर्मी मन ह लिस राहत के सांस

रायपुर। शुक्रवार के बड़े संख्या म एस्मा ले परेशान शिक्षाकर्मी मन ह राहत के सांस लिस हे। हाईकोर्ट ह शिक्षाकर्मी मन के उपर एस्मा के कार्रवाई ल तत्काल प्रभाव ले खत्म कर दिस हे।
बता दन कि सरकार ह 95 शिक्षाकर्मी मन उपर कार्रवाई करत हुए साल 2011 म एस्मा लगाए रहिस हे। ओखर बाद ले ए मामला हाईकोर्ट म चलत रहिस हे। शिक्षाकर्मी मन उपर लगे एस्मा के मामले ल चुनौती याचिका म सुनवाई करत हुए हाइकोर्ट ह कई बार राज्य शासन ले ए बावत जवाब तलब करीस। लेकिन सरकार के ओर ले स्पष्टीकरण नइ दे गे हे।
बार-बार कहे के बाद सरकार के ओर ले कोई जवाब नइ मिलिस तो शुक्रवार 16 फरवरी के हाईकोर्ट ह इस मामला ल निराकृत करत हुए 95 शिक्षाकर्मी मन ल राहत पहुंचाइस हे। मामला म शालेय शिक्षाकर्मी संघ के अध्यक्ष केदार जैन सहित अन्य साथीमन ह कोर्ट म याचिका लगाए रहिस हे।