ताजा समाचारहमर खबर

कमजोर होगे 3000 ‘तीसरय्या आंखि’

तेज धूप अउ सड़क मन म उठे धूल के गुबार ले सिस्टम खराब

0 शहरभर म लगे कैमरा के देखभाल नइए
रायपुर । शहर म सुरक्षा के लिहाज ले मिशन सिक्योर सिटी म लगाएगे कैमरा रखरखाव के अभाव म धुंधला पड़त जात हे। मसलन प्रमुख चउक चउराह मन म मेंटेनेंस नइ हो पाए के सेती ले कैमरा मन ह काम करना बंद कर देहे। तेज धूप अउ सड़क मन उपर उठे धूल के गुबार ले सिस्टम खराब होवत हे। उहीचे ठीक तरह ले देखभाल नइ होय ले सुरक्षा के तकनीक सिक्योरिटी सिस्टम ले बाहर होवत हे।
मिशन सिक्योर के तहत शहर भर म लगभग तीन हजार कैमरा लगाए गेहे। कारोबारी, सामाजिक संस्थान मन के मदद ले लगाए गे कैमर मन के मेंटेनेंस के जवाबदारी पुलिस प्राइवेट सेक्टर म बांट रखे हे। समय म देखरेख नइ होय के सेती ले सिस्टम दम तोड़त हे। बड़ी आपराधिक घटना मन के जांच के बखत परेशानी  
निजी कारोबार करय्या बड़े दुकान मन म लगाए गे कैमरा मन के भरोसा जांच चलत हे। पुलिस के जांच टीम मन ल ये जगह मन उपर निरभर होय ल पड़त हे। चउक-चउराह मन लगाए गे कैमर मन ले आफत बढ़त हे। पुराना शहर म स्थिति खराब होय के संग नवा राजधानी तक म बुरा हाल हे।
तेज धूप अउ सड़क मन ले उठे धूल के गुबार ले सिस्टम खराब
एनआरडीए ह खाली जगह मन म कैमरा तो लगा देहे, लेकिन उंखर ठीक ढंग ले इस्तेमाल नइ हो पात हे। कड़ाके के धूप म लगाए गे सिस्टम ले तसवीर कैद कर पाना मुश्किल होवत हे। जादा हिस्सा मन म तेज धूप ले कैमरा के लैंस के कैपिसिटी खत्म होवत हे। इही तरह सड़क मन उठे धूल के गुबार ले सिस्टम खराब हे चुके हे। तकनीकी रूप ले परेशानी बढ़त जात हे। एएसपी सिटी विजय अग्रवाल के मानन तो शहर के प्रमुख जगह मन म लगाए गे कैमरा मन के समय म मेंटेनेंस करे के निर्देश जारी करे गेहे। थाना वार सुरक्षा सिस्टम के रिपोर्ट तैयार करे जात हे।
एखर सेती ले नइ पकड़ म आत हे अपराधी मन
सिलतरा के फैक्टरी म पांच लाख के लूट होए रिहन हे। कैशियर ले धक्का-मुक्की कर तीन लुटेर मन ह बड़े वारदात ल अंजाम दिस। ये वारदात म लुटेरा मन भागे ले पहिली सुरक्षा गारड ल गोली मारीस हे। फैक्टरी के बाहर कैमरातो लगे रिहिस हे, लेकिन पुलिस ल केवल धुंधला तस्वीर मन मलिस। मेंटेनेंस के अभाव म कैमर मन ह दम तोड़त हे।
बड़े वारदात म जांच ठहर गेहे
10 दिन पहिली सरस्वती नगर म एक बुजुर्ग ल लिफ्ट लेना महंगा पड़गे। ओला टाटीबंध ले जाके अज्ञात मन ह लूट लिस हे। बाइक म लिफ्ट दे के बहाना म रुपिया ले भरे बैग लूट लिस। रिंग रोड दो के कतको जगह मन म लगे कैमरा मन ले पुलिस ह पड़ताल करिस, लेकिन जादा जगह मन म कैमरा के सिस्टम खराब मिलिस। ये वजह ले अतका बड़ वारदात म जांच आगू नइ बढ़ पाइस। ।

Related Articles

Leave a Reply

Your email address will not be published. Required fields are marked *

Close