ताजा समाचारविशेष

काबर ..महिला के प्रसव जंगल म ही कराए बर पड़िस

बाद म महतारी अऊ लईका अस्पताल म भर्ती , दूनों स्वस्थ

कोरबा। जंगल म सुरक्षित प्रसव कराए के मामला सामने आस हे । बताए जात हे कि जंगल काफी बीहड़ अउ रास्ता नइ होय के कारण महतारी एक्सप्रेस मउका म नइ पहुंच पाइस, एखर बाद महतारी एक्सप्रेस टीम के सदस्य मन पैदल गर्भवती तक पहुंचिस। तभे उखर प्रसव पीड़ा बढ़गे। अउ जंगल म ही सुरक्षित प्रसव कराए गिस।
जिला के ग्राम पंचायत मदनपुर के आश्रित ग्राम सरडीह के शांतिबाई के कल सुबह प्रसव पीड़ा शुरू होइस। एखर सूचना मिले म महतारी एक्सप्रेस करतला ले निकलीस, लेकिन बीहड़, नाला व रास्ता नइ होय के कारण उमन ह गांव तक नइ पहुंच पाइस। टीम के सदस्य ईएमटी त्रिभुवन प्रजापति, कैप्टन नीरजकुमार मिश्रा, ई एम ई मिथिलेश चौहान व मितानिन रातियानो पैदल सरडीह पहुंचिस। गर्भवती ल जंगल के रास्ता नाव ले नदी पार कराके वाहन तक ला के अस्पताल पहुंचतिस एखर पहिली उखर दर्द बढ़ गे तव जंगल म ही सुरक्षित प्रसव कराए गिस। शांति देवी ह स्वस्थ लड़का ल जन्म दिस हे। पाछु महतारी अऊ लईका ल अस्पताल म भर्ती कराए गिस, जिहां दूनों के स्वस्थ हे।

Related Articles

Leave a Reply

Your email address will not be published. Required fields are marked *

Close