ताजा समाचार

कैंसर ले पीड़ित लल्ली के इलाज बर आगू आइस संगवारी अउ गुरूजी ….

रायपुर के मेकाहारा अस्पताल के कैंसर विभाग म होवत हो इलाज

बिलासपुर । जिला के सकरी गांव के रहय्या लल्ली यादव कैंसर ले पीड़ित हे। सकरी के शासकीय कन्या हाईस्कूल के 9वीं कक्छा के छात्रा हे लल्ली। क्लास के मेधावी छात्रा लल्ली पीछू कई दिन ले जब इसकूल नइ आइस तो उँखर संगवारी अउ गुरुजी चरज म पड़गे। जब गुरूजी अउ संगवारी मन लल्ली के घर पहुंचिस तब उमन ल बीमारी के बारे म पता चलिस।
एक बनिहार परिवार के बेटी लल्ली ल कैंसर जइसे बीमारी के इलाज बर पइसा कौड़ी के कमी होवत रिहिस हे। ये बेरा म लल्ली के संगवारी अउ गुरूजी मन आगू आइन । इस्कूल म संगवारी मन ह एक राहत कोष बनाइस। सबो झन लल्ली के आर्थिक मदद करे बर धन जोड़ना सुरू कर दिस। आज लल्ली अपन संगवारी मन के सहयोग ले रायपुर के मेकाहारा अस्पताल के कैंसर विभाग म इलाज करावत हे। विशेषज्ञ डॉक्टर मन लल्ली के तबियत म सुधार के बात कहिन हे। ये बखत लल्ली के सफलतापूर्वक कीमोथेरेपी करे जात हे। डॉक्टर मन के कहिना हे कि लल्ली ल लम्बा समय तक परहेज करना पड़ही। तभे कैंसर उपर जीत हासिल कर सकत हे।

Related Articles

Leave a Reply

Your email address will not be published. Required fields are marked *

Close