ताजा समाचारब्रेकिंग न्यूज

गेहूं के संग दलहन अउ तिलहन के फसल घलो बरबाद

बेमौसम बारिश के कहर ले किसान मन बरबादी के कगार म

रायपुर । प्रदेश के किसान सूखे के मार ले अभी संभल भी नइ पाए रिहिस हे कि बेमौसम बरसात ह ओला बरबादी के कगार म खड़ा कर दिस। अतका ही नइ ये बेरा म बारिश के संग कई जगह म ओला भी गिरिस। जेखर ले किसान मन के तैयार गेहूं के फसल के संग दलहन अउ तिलहन के फसल घलो बरबाद होगे।
रायपुर के तीर के किसान मन के कहिना हे कि बरसात के कारण फसल ल नुकसान होइस हे। लिमतरा के किसान राजेन्द्र मढ़रिया के कहिना हे कि ए बखत बरसात कम होए कारण धान जरगे। अइसे म बड़े उम्मीद के संग बैंक ले 25 हजार करजा ले के खेत म मसूर, चना अउ तिवरा के फसल बोए रेहव । एक नम्बर के फसल रिहिस हे लेकिन दी दिन के बरसात म फसल ह खराब होगे। राजेन्द्र जइसे रायपुर जिला के संग प्रदेश के ज्यादातर किसान मन के उपर बारिश अउ ओला के कहर ढा दिस। येति बर विशेषज्ञ के घलो मानना हवय कि ए बारिश ले खेती ल नुकसान होइस हे। उत्तर छत्तीसगढ़ के पहाड़ी इलाका म जिहां ओला गिरिस हे वहां दलहन-तिलहन के संग सब्जी के फसल घलो बरबाद होगे हे। अइसे म बरसात के चलते कीट प्रकोप घलो काफी बढ़ जाही। कृषि मौसम विभाग के एचओडी डॉ. जीके.दास किहिस के हे कि किसान मन टमाटर अउ गोभी जइसे सब्जी ल तोड़के जल्दी बेच देवय। कृषि अधिकारी मन के कहिना हे कि जेन किसान मन ह बीमा कराया हे ओमन तत्काल दावा के तैयारी शुरू कर देवय। हालांकि बीमा कंपनी के बेईमानी कोनो ले छिपे नईए।

Related Articles

Leave a Reply

Your email address will not be published. Required fields are marked *

Close