ताजा समाचार

छत्तीसगढ़ म होही झमाझम बारिश, नइ हे सूखा के आशंका!

जून ले सितंबर के बीच म 100 फीसदी बारिश के अनुमान

निजी एजेंसी स्काईमेट ह मानसून बर जारी अपन रिपोर्ट म कहिन
 रायपुर । अप्रैल महीना के शुरुआत ले ही गरमी की लपट लगे लगही। लेकिन किसान मन अउ खेती ले जुड़े लोग न मन बर अच्छा खबर हे। निजी एजेंसी स्काईमेट ह मानसून बर जारी अपन रिपोर्ट म कहिन हे कि ये बरस देश म मानसून सामान्य रहही। जून ले सितंबर के बीच 100 फीसदी बारिश के अनुमान हे। उहे, सामान्य ले जादा बारिश होय के संभावना 20 फीसदी हे । रिपोर्ट म ये घलो कहे गेहे कि ये बरस सूखा पड़े के संभावना जीरो फीसदी हे।
सामान्य ले 104 फीसदी बारिश के अनुमान
स्काईमेट के मुताबिक ये बरस सूखा पड़े के आशंका नइ हे। एजेंसी के कहिना हे ये बरस जून-सितंबर के बीच म 100 फीसदी मॉनसून के अनुमान हे । पूरा सीजन बर 96 ले 104 फीसदी बारिश होय के संभावना 55 फीसदी हे। रिपोर्ट के अनुसार पूरा सीजन म बारिश के संभावना 5 फीसदी हे । उहे, सामान्य ले जादा बारिश के संभावना 20 फीसदी हे । उहे, ये बरस सामान्य ले कम बारिश के घलो संभावना 20 फीसदी हे।
कहां होही झमाझम बारिश
सेंट्रल इंडिया के मुंबई, पुणे, नागपुर, नासिक, इंदौर, जबलपुर, रायपुर अउ आस-पास के इलाका मन म भारी बारिश के उम्मीद हे।
सामान्य बारिश
एती सेंट्रल इंडिया के अहमदाबाद, वडोदरा, राजकोट अउ सूरत जइसे शहर मन म सामान्य बारिश की उम्मीद हे। साउथ इंडिया म शुरू के महीना म चेन्नई, बेंगलुरु, तिरुंवनन्तपुरम, कोन्नूर, कोझिकोड, मंगलुरू, हैदराबाद, कर्नाटक के कोस्टल इलाका, विजयवाड़ा, विशाखापत्तनम म ये बार मानसून सामान्य या सामान्य ले कुछु कम रही सकत हे।
जून म लॉन्ग पीरियड एवरेज (LPA) 111 फीसदी रह सकत हे। ये दउरान 164 एमएम बारिश हो सकत हे। जून म 60 फीसदी चांस हे कि सामान्य ले जादा बारिश होही, 30 फीसदी संभावना सामान्य बारिश होये के हे, उहे, 10 फीसदी ही संभावना हे कि सामान्य ले कम बारिश के ।
जुलाई म लॉन्ग पीरियड एवरेज (LPA) 97 फीसदी रही सकत हे । ये दउरान 289 एमएम बारिश होय के उम्मीद हे। जून म 15 फीसदी चांस हे कि सामान्य ले जादा बारिश होही, 55 फीसदी संभावना सामान्य बारिश होय के हे। उहे, 30 फीसदी संभावना हे कि सामान्य ले कम बारिश होय।
अगस्त म लॉन्ग पीरियड एवरेज (LPA) 96 फीसदी रही सकत हे। ये दउरान 261 एमएम बारिश होय के उम्मीद हे। अगस्त म 10 फीसदी चांस हे कि सामान्य ले ज्यादा बारिश होही, 55 फीसदी संभावना सामान्य बारिश होय के हे। उहे 35 फीसदी संभावना हे कि सामान्य ले कम बारिश होय ।
सितंबर म लॉन्ग पीरियड एवरेज (LPA) 101 फीसदी रह सकत हे ये दउरान 173 एमएम बारिश होय के उम्मीद हे। सितंबर म 20 फीसदी चांस हे कि सामान्य ले जादा बारिश होही, 60 फीसदी संभावना सामान्य बारिश होय के हे। उहे, 20 फीसदी संभावना हे कि सामान्य के कम बारिश होय।

Related Articles

Leave a Reply

Your email address will not be published. Required fields are marked *

Close