ताजा समाचार

जनसेवक होय के जुम्मेदारी के एहसास कराइस मोदी ह….संगे संग पढव अउ दूसर खबर

विधायक मन ल कहिन कि लोगन ल सरकार के करे गे विकास कार्य मन ल बतावव

रायपुर । प्रधानमंत्री नरेंद्र मोदी ह वन मंत्री महेश गागड़ा ल फोन कर उंखर ले बातचीत करिस। फोन म आडियो प्रेस कान्फ्रेंस कर के राज्य म चलत जन कल्याणकारी योजना मन अउ केंद्र सरकार के योजना मन के जानकारी लीस। आगामी विधानसभा चुनाव अउ 2019 के लोकसभा ल घलो लेके बातचीत करिस। । येखर अलावा विकास कार्य मन के लेके लंबी बातचीत करिस। ये संबंध म दिशा निर्देश घसो दिस । अपन बीजापुर प्रवास ल लेके भी बातचीत होइस । ये दउरान छत्तीसगढ़ शासन के आधिकांश मंत्री नेता मौजूद रहिन हे।बता द कि सभी विधायक एक संघरा फोन लाइन म ओडियो प्रेस कॉन्फ्रेंस ले जुड़े रहिन हे। सबो विधायक मन ल जनसेवक होय के जुम्मेदारी के अहसास करत हुए प्रधानमंत्री मोदी ह केंद्र अउ राज्य के योजना मन ल जन जन-तक पहुंचाए के बात कहीन। पीएम मोदी ह अहिवारा विधायक सावला राम डाहरे ले भी बातचीत करिस। ज्ञात हो कि ठीक 11 बजे प्रधानमंत्री कारयलय ले सबो विधायक मन के पास कॉल आइस हे, जेमा कतको विधायक मन ल एक संघरा जोड़े गिस। येमा प्रधानमंत्री मोदी बैक टू बैक बात कर रहत रहिन।

एक आंगनबाड़ी कार्यकर्ता के तबीयत बिगड़ी.. मेकाहरा म भरती
छत्तीसगढ़ म तेज आंधी, बारिश अउ बरखास्तगी के कार्रवाई के बाउजूद आंगनबाड़ी कार्यकर्ता मन के हौसला नई टूटे हे। जब सरकार के ओर कोनो सकारात्मक कदम नइ उठाए गिस तो कार्यकर्ता मन ह आमरण अनशन के राह पकड़िस। आमरण अनशन म रोजे 5 कार्यकर्ता बइठथे। ये वजह ले उंखर स्वास्थ्य लगातार बिगड़त जात हे। आमरण अनशन पर बइठे एक कार्यकर्ता के तबीयत कुछु जादा बिगड़गे तो ओला मेकाहारा ले जाए गिस। उहें एर अन्य के घलो तबीयत बिगड़ने के खबर हे। एखर बाद भी कार्यकर्ता मन हड़ताल म डटे हुए हे। एखर से ये बात साफ हे कि कार्यकर्ता मन अपन मांग ल पूरा कराके मानही।

कुरसी ल लेके आपस म भिड़गे जपा कार्यकर्ता मन
दुर्ग जिला के पाटन विधानसभा क्षेत्र म बीजेपी के जनसंपर्क यात्रा के समापन कार्यक्रम म कुरसी ल लेके कार्यकर्ता आपस म भिड़ गे। आलम ये रहिस कि वरिष्ठ नेतामन के सामने ही जमकर हाथापाई शुरू होगे। सभा में मौजूद अहिवारा विधायक सांवला राम डहरे, पूर्व विधायक विजय बघेल ह ये झगड़ा ल रोके के अपील करीस ऊंह बेअसर साबित होइस । अब ये पूरा घटना ल लेके कांग्रेस चटखारा लेवत हे।

सोनहत विकासखंड म स्वास्थ्य सुविधा चरमराइस …एक सप्ताह म 3 नवजात शिशु के मउत
कोरिया जिला म स्वास्थ्य सुविधा मन के बदहाली केखामियाजा जिला के जनता ल भुगतना पड़त हे। ताजा मामला जिला मुख्यालय ले करीब 130 किलोमीटर दूर सोनहत विकासखंड के हे। दरअसल, इहां संचालित सामुदायिक स्वास्थ्य केंद्र म एक भी शिशु रोग विशेषज्ञ के नियुक्ति नइ करे गेहे। येही वजह हे कि बीते एक सप्ताह के अंदर 3 नवजात शिशु के मउत हो गिस हे। उहें अइसे कतको महिला मन हे जो दूरस्थ वनांचल क्षेत्र म रहत हे अउ उमन ल समय म इलाज नइ मिल पात हे, ये कारण कतको नवजात शिशु मन असमय ही काल के गाल म समा जात हे। अगर उंखर संख्या ल एमा जोड़ देय जाए तो काफी चउकाने वाला आंकड़ा आगू आ सकत हे।

Related Articles

Leave a Reply

Your email address will not be published. Required fields are marked *

Close