ताजा समाचार

जल संसाधन विभाग ल उल्लेखनीय कारय बर मिलिस ’’वाटर डाईजेस्ट अवार्ड’’

विभाग के सचिव बोरा ह केन्द्रीय जल संसाधन राज्यमंत्री  मेघवाल के हाथ ले लिस पुरस्कार

 रायपुर। जल संरक्षण संवर्धन व सिंचाई क्षमता ल बढा़ए के दिशा म करे गे उल्लेखनीय कारय बर छत्तीसगढ़ ल राष्ट्रीय पुरस्कार से नवाजे गेहे। ये पुरस्कार ल छत्तीसगढ़ के जल संसाधन विभाग के सचिव  सोनमणि बोरा ह केन्द्रीय जल संसाधन राज्यमंत्री  अर्जुन राम मेघवाल के हाथ ले ग्रहण करिस। नई दिल्ली म बुधवार के विश्व जल दिवस म आयोजित समारोह म छत्तीसगढ़ के जल संसाधन विभाग ल ’’वाटर डाईजेस्ट अवार्ड’’ से नवाजे गेहे। ये पुरस्कार ल छत्तीसगढ़ के जल संसाधन विभाग के सचिव  सोनमणि बोरा ह केन्द्रीय जल संसाधन राज्यमंत्री  अर्जुन राम मेघवाल के हाथ ले ग्रहण करिस। ये अवसर पर सचिव जल संसाधन भारत सरकार यूपी सिंह, चेयरमेन सैन्ट्रल वाटर कमिश्न एडिशनल सेक्रेटरी  मसूद हुसैन अउ महानिदेशक क्लीन गंगा मिशन  राजीव रंजन मिश्रा, अतिरिक्त सचिव श्री कुंडू, प्रमुख अभियंता जल संसाधन विभाग छत्तीसगढ़  एच.आर. कुटारे, मुख्य अभियंता श्री भागवत, यूनेस्को के वरिष्ठ अधिकारी उपस्थित रहिन।  ये अवार्ड हर बरस जल संसाधन म केन्द्रित प्रतिष्ठित पत्रिका ’’वाटर डाइजेस्ट’’ के द्वारा दिए जाथे। ये बरस ये  पुरस्कार छत्तीसगढ़ म सिंचाई क्षमता बढ़ाने, सामुदायिक भागीदारी से जल संवर्धन अउ जल प्रबंधन, जल संरक्षण-संवर्धन, नदी मन के इंटरलिंकिग के दिशा म कारय व सिंचाई सुविधा मन म अभिनवकारी तकनीक के प्रयोग के दिशा में करेगे उल्लेखनीय कारय बर दिए जात हे। ये पुरस्कार केन्द्रीय जल संसाधन नदी विकास अउ गंगा सफाई मंत्रालय, यूनेस्को, केन्द्रीय जल बोर्ड, केन्द्रीय जल आयोग, गंगा सफाई  के राष्ट्रीय मिशन के सहयोग  ले ’’वाटर डाईजेस्ट’’  ह देथे।राज्य निरमान के बाद पीछू के 17 वरस म ये पहिली मउका हे जब छत्तीसगढ़ सरकार के जल संसाधन विभाग ल राष्ट्रीय पुरस्कार ले नवाजेगिस हे। ये उपलब्धि बर मुख्यमंत्री डॉ. रमन सिंह  अउ जल संसाधन मंत्री बृजमोहन अग्रवाल ह जल संसाधन विभाग के सचिव  सोनमणि बोरा अउ  उखर पूरा टीम ल बधाई दीस हे। ये अवार्ड छत्तीसगढ़ के जल संसाधन विभाग ल बेस्ट कम्यूनिटी प्रोजेक्ट ऑफ द ईयर इन वाटर सेक्टर के गवर्नमेंट सेक्टर म मलिस हे।

Related Articles

Leave a Reply

Your email address will not be published. Required fields are marked *

Close