ताजा समाचारविशेष

जहां चाह उंहे राह..चार घंटा म बन गे चार किलोमीटर के सड़क, कहां आपो मन पढ़ो

150 महिला मन घलो रिहिन शामिल, तीन दिन म 9 किलोमीटर के बन गे सुग्घर रद्दा

जगदलपुर। कइथे की जहां चाह हे उहें राह हे। ऐ बात ला साबिक करिस हे विश्रामपुरी अऊ ओखर आसपास रहवईया गांव वाले मन ह। कोण्डागांव जिला के बड़े राजपुर विकासखंड के विश्रामपुरी ले बड़ा पत्थर के बीच 24 किलोमीटर के खराब रददा ला बनाए के निर्णय ले गिस अऊ शुरू के तीन दिन मा 9 किलोमीटर के सड़क ला बना डालिस। शुरू दिन 150 महिला मन के साथ 275 मनखे मन ह 4 किलोमीटर के सड़क ला बनाईस।
अधिकारीमन ह अपन काम के प्रति कतका गंभीर हव ये कर अंदाजा ओखर काम के प्रति गंभीरता देखके लगाए जा सकत हे। कोण्डागांव जिला के बड़े राजपुर विकासखंड के विश्रामपुरी ले बड़ा पत्थर तक सड़क बनवाय बर गांव वाले मन ह कई बार कलेक्टर अऊ पीडब्लूडी के अधिकारी मन के हाथ पाव जोडिस, फेर सरकारी सिस्टम के कान म जुआं अतेक जल्दी भला रेंगथे कहां। तब केशकाल विधायक के पहल म गांव वाले मन ह खुद सड़क बनाए बर भिड़गे। अउ चार घंटा मा तीन किलोमीटर के सड़क ला बना डरिस। ये कार्य मा 150 महिला मन सहित 275 गांव वाले मन ह मदद करिस। कुल मिलाके तीन दिन मा 9 किलोमीटर के सड़क ला बना डालिस। केहेबर तो विश्रामपुरी ले बड़ा पत्थर की दूरी 24 किलोमीटर हावे, लेकिन रद्दा ह बहुत खराब हे। एखर सेती ऐ सड़क के गांव के मनखे मन ह मरम्मत करवाय बर अधिकारीमन के कई बार हाथ-पांव जोड़िस। तभो ले बात नई बनिस। तब गांव वाले मन ह केशकाल  विधायक संतराम नेताम अऊ कांग्रेसी कार्यकर्ता मन के सहयोग ले सड़क ला बनाए बर जुटगे।

गुरूवार के काम ला पकड़िस अउ तीन दिन मा 9 किलोमीटर के सड़क ला बना डरिस। एमा शुरू दिन से महिला मन घलो मदद करत आत हे। पहिली दिन 150 महिला सहित 275 मनखेमन ह चार घंटा मा तीन किलोमीटर के सड़क ला बना डलिस। ध्यान दे के बात ऐ हरे कि 24 किलोमीटर सड़क के मरम्मत मा जम्मो गांव के मनखे मन ह विधायक नेताम के पहल म कंधा ले कंधा मिलाके सड़क बनाए बर आगे आवत हे। विधायक के कहना हे कि अधिकारी मन लापरवाही बरतत हावय। दूसर तरफ कलेक्टर नीलकंठ टीकाम कहिथे कि गांव वाले मन संग मिलके विधायक के सड़क मरम्मत वाला जानकारी मिले हे। में ह तुरंत अधिकारी मनला भेज के सड़क मरम्मत के प्रपोजल बनवा के शासन ल भेज दे हों। जईसे ही शासन से स्वीकृति मिलही वईसे काम शुरू हो जाहि। इही बीच विधायक संतराम नेताम ह गांव वाला अउ कार्यकर्ता मन बर काम करे के जगहा मा भोजन बनाए बर भी मदद करत हे। गांव-वाले मन के साथ पेज पसिया पीके काम करत हे। विधायक नेताम के कहना हे कि ग्रामीण क्षेत्रों के रहवईया मनखे मन सुबह काम में जाए के पहिली पेज -पसिया ला पीथे अउ साथ मा लेके घलो जाथे। ऐमा पोषक तत्व हावय जेकर सेती गांव वाले मन ला काफी फायदा मिलथे। गांव वाले मन के कहना हे कि लोगन मन के हित बर विधायक ह लगातार काम करत हवय। ये सड़क के बने ले से सबसे ज्यादा फायदा पढ़ईया लइका मन ल स्कूल आए-जाए मा होही।

Related Articles

Leave a Reply

Your email address will not be published. Required fields are marked *

Close