ताजा समाचार

ट्विटर म आक्रामक रुख अख्तियार करे हे सिंहदेव ह…..संगे संग पढव अउ दूसर खबर

विद्युतीकरण योजना ल लेके मुख्यमंत्री डॉ रमन सिंह उपर निशाना साधिस

रायपुर । छत्तीसगढ़ विधानसभा म नेत प्रतिपक्ष टीएस सिंहदेव ह अपन विनम्रता बर जाने जाथे, लेकिन ये दिन म वो ह ट्विटर म आक्रामक रुख अख्तियार करे हुए हे। लगातार राज्य सरकार अउ मुख्यमंत्री डॉ रमन सिंह उपर हमला बोलत हे। सिंहदेव ह आज शहरी विद्युतीकरण योजना ल लेके मुख्यमंत्री डॉ रमन सिंह उपर निशाना साधिस हे। सिंहदेव ने अपन ट्वीट म मुख्यमंत्री शहरी विद्युतीकरण योजना ल फेल बताते हुए कहिन कि अम्बिकापुर के 21 वार्ड मन म बांस के सहारे बिजली के तार झूलत हवय। ये बारे म लोक सुराज अभियान म शिकायत मन के बाद एखर निपटारा नइ करे गिस। सिंहदेव ने आगे लिखा है कि डॉ रमन सिंह 14 हरस ले लोक सुराज चलाकर सत्ता म काबिज होए के बात करत हे। मकड़जाल के तरह फैइले ये बिजली के तार सीएम ल चिढ़ावत नजर आवत हे।

आवारा कुकुर ह 12 घंटा म 5 लोगन मन ल अपन सिकार बनाइस
भिलाई म आवारा कुकुर मन के आतंक रूके के नांव नइ लेत हे। असल म सेक्टर-1 C मार्केट म एक आवारा कुकुर ह 12 घंटा के भीतरी 5 लोगन मन ल अपन सिकार बनाइस। जेमा 4 लइका अऊ एक बुजुर्ग हे। जम्मों झन ल इलाज बर अस्पताल म भर्ती कराए गे हे। जिहां एक लइका के हालत गंभीर बने हुए हे। स्थानीय लोगन मन के कहना हे कि कुकुर मन के बढ़े आतंक ले ओमन भारी परेसान हे। अऊ संग ही ओमन नगर प्रसासन उपर लापरवाही के घलो आरोप लगाइन।

मुंगेली म यातायात बेवस्था ल सुधारे बर दू जगह सीसीटीवी
मुंगेली म महिला मन के सुरक्षा, यातायात बेवस्था ल देखत हुए एसपी पारुल माथुर ह 2 संवेदनसील इलाका म सीसीटीवी कैमरा लगवाए हे। एसपी ह गोल बाजार अऊ गर्ल्स स्कूल रोड म सीसीटीवी कैमरा लगवाए हे। जेकर उपर पुलिस कंट्रोल रूम ले निगरानी रखे जाही। एसपी ह बताइस कि पूरा सहर म 10 जगह ल चिन्हिंत करे गे हे, जिहां सीसीटीवी के जरूरत हे फिलहाल 2 जगह म सीसीटीवी लगवा दे गे हे।

खैरागढ़ बन बिभाग म लाखों रूपिया के घोटाला
राजनांदगांव के खैरागढ़ बन बिभाग म लाखों रूपिया के घोटाला करे के मामला आगु आए हे। जिहां सरकारी निर्मान बर फर्जी कार अऊ स्कूटर के नंबर के उपयोग करके JCB अऊ अन्य वाहन मन के भुगतान करे गिस हे। असल म खैरागढ़ बन बिभाग ह 2014 म सांकरा अऊ आमदनी गांव म तरिया निर्मान कार्य करवाए गे रिहिस हे। अऊ ये बछर चंगुरदा ले बांध-नवागांव तक WBM सड़क निर्मान करवाय गे रिहिस। जेमा JCB अऊ अन्य गाड़ी के उपयोग करे गे रिहिस, फेर बन बिभाग के कैसबुक ह बन बिभाग के पोल खोल दिस। कैसबुक म स्कूटर अउ कार के फर्जी नंबर के जरिए JCB अऊ अन्य गाड़ी ले काम कराके भुगतान करे गे हे। पूरा मामला के खुलासा RTI के माध्यम ले होइस हे। उहें बिभाग ह अब मामला के जांच के बाद दोसी मन उपर कार्रवाइ के बात कहे हे।

Related Articles

Leave a Reply

Your email address will not be published. Required fields are marked *

Close