ताजा समाचार

तेंदूपत्ता मामला म भूपेश ले पूछिस भाजपा ह ….

काबर दंतेवाड़ा ल छोड़ देत रिहिस हे कांग्रेस ह

भाजपा के पलटवार … बघेल जब मंत्री रिहिस हे तव दंतेवाड़ा के तेंदूपत्ता के पइसा ल नक्सली ल जात रहिस हे ?
रायपुर। भारतीय जनता पार्टी प्रवक्ता संजय श्रीवास्तव ह प्रदेश कांग्रेस अध्यक्ष भूपेश बघेल के आरोप मन के खंडन करत हुए कहिस कि ना खाता ना बही जे भूपेश कहिस वो सहीं वाला बात नइ हो सकय। भूपेश बघेल ह कभु अपन आरोप म कोई प्रमाणिकता प्रस्तुत नइ कर सकिस हे। तेंदूपत्ता खरीदी घोटाला वाला बात घलो बेमानी हवय।
भाजपा प्रवक्ता श्री श्रीवास्तव ह कहिन कि तेंदूपत्ता खरीदी के गणित बिल्कुल अलग हवय। ज्यादा रेट या कम रेट कोटा ले नइ बल्कि मनखे के क्षमता के आधार पर कारय आबंटित होत हवय। यदि कोनो मनखे के क्षमता पूरा हो गेहे तो तो दूसर ल कारय आदेश दे जात हवय।
भाजपा प्रवक्ता ह कहिस कि कांग्रेस प्रदेशाध्यक्ष भूपेश बघेल 2001 ले 2003 तक जे कैबिनेट म मंत्री रहिस हे। उहीं केबिनेट ह दंतेवाड़ा ल छोड़के पूरा राज्य म तेंदूपत्ता क्रय निविदा निकालत रहिस हे। अउ पूर्व मुख्यमंत्री अजीत जोगी कहिथे कि मैं कांग्रेस विधायक कावासी लखमा के कहे म अइसे करत रहे हव। जोगी जी कहिथे कि कबर दंतेवाड़ा ल छेड़े बर कवासी लखमा कहय ये उंही बता सकत हे। आपमन ओखर ले पूछव।
भाजपा पूछिल कांग्रेस ले सवाल
भाजपा प्रदेश कांग्रेस अध्यक्ष भूपेश बघेल ले पूछत हवय कि कबर दंतेवाड़ा ल छोड़े जात रहिस हे? का नक्सली मन के कहे म प्रदेश कांग्रेस कार्यकारी अध्यक्ष कवासी लखमा अइसे करत रहिस हे? का भूपेश बघेल जब मंत्री रहिस हे तव तेंदूपत्ता के पैइसा दंतेवाड़ा ल नक्सली मन ल भेजत रहिस हे? का कांग्रेस ह कवासी लखमा ल कार्यकारी अध्यक्ष नक्सली मन ले सांठगांठ कर चुनाव जीते बर बनाए हे? श्री श्रीवास्तव ह कहिन कि कोनो प्रकार ले तेंदूपत्ता म भ्रष्टाचार नइ होय हे। पूरा नियम-कानून के पालन करे गेहे। कांग्रेस पार्टी के आरोप बेबुनियाद हवय।

Related Articles

Leave a Reply

Your email address will not be published. Required fields are marked *

Close