ताजा समाचारब्रेकिंग न्यूजहमर खबर

दीक्षा सिंह के 106 चक्कर के नृत्य ह दर्शक मन ल मोह डरिस

रेखा भारद्वाज के फिल्मी गाना म झूमिस लोगन मन

रायपुर। कोरबा के ऐतिहासिक नगरी पाली म लगातार चौथा बरस ले पाली महोत्सव के भव्य आयोजन उच्चतर माध्यमिक विद्यालय क्रीड़ांगन म करे गिस। दू दिवसीय समारोह के उद्घाटन मंगलवार के देर शाम लोकसभा सांसद डा. बंशीलाल महतो व संसदीय सचिव लखन लाल देवांगन के मुख्य आतिथ्य म होइस। ऐखर बाद स्थानीय कलाकार मन के संग स्कूली लइका मन के सांस्कृतिक कार्यक्रम, शास्त्रीय संगीत लवली शर्मा तानपुरा वादन, संगीत कला केन्द्र कोरबा के शास्त्रीय नृत्य अउ मुम्बई ले आए गायिका रेखा भारद्वाज ह फिल्मी गाना के प्रस्तुति दिस, रेखा के गाना ल सुनके लोगन मन झूम उठिस। कार्यक्रम म पंडित मोरध्वज वैष्णव के तबला वादन अउ नृत्यांगना दीक्षा सिंह ह 106 चक्कर के नृत्य करके दर्शक मन के मन ल मोह डरिस। कार्यक्रम के अध्यक्ष कलेक्टर मोहम्मद अब्दुल केशर हक़ ह बताइस कि ऐतिहासिक दृष्टिकोण ले पाली के अब्बड़ महत्व हे, साथ ही इहां स्थानीय कलाकार मन म भी प्रतिभा के कमी नइ हे, पाली महोत्सव के जरिए ऐसे ही कलाकार मन मंच प्रदान कर ओमन ल प्रोत्साहित करके प्रयास जारी हे, छत्तीसगढ़ म अब ये महोत्सव अब्बड़ लोकप्रिय होवत हे।

Related Articles

Leave a Reply

Your email address will not be published. Required fields are marked *

Close