ताजा समाचार

दो विभाग के लड़ाई के चलत अंधेरा म डूब गेहे ये नगर पंचायत

नगर म ये एलईडी स्ट्रीट लाइट्स सफेद हाथी के तरह खड़े हवय

धमतरी। जिला के भखारा नगर पंचायत दो विभाग के लड़ाई के चलत अंधेरा म डूब गेहे । दरअसल, लोक निर्माण विभाग अउ विद्युत विभाग के गैर जिम्मेदाराना रवैये के चलत भखारा नगर पंचायत के लोगन मन अंधेरा म रहे बर मजबूर हवय। अंधेरा के कारण सड़क दुर्घटना म भी इजाफा होवत हवय।
आप मन ल बता दन कि करीब 8 माह पहिली जिला के भखारा नगर पंचायत म फोरलेन रोड बनके तैयार होइस हे। शहर के बीच ले गुजरइया ये सड़क के डिवाइडर म खूबसूरत एलईडी लाइट्स लगाए गिस । जेखर ले न सिर्फ उजाला होवय बल्कि गांव के खूबसूरती घलो बढ़ गे रिहिस हे। इहीं बीच म काम करइया एजेंसी यानी लोक निर्माण विभाग ह खंभ मन के लाइट जलाए बर बिजली आपूर्ति के वायरिंग नइ करिस हे। लिहाजा, तब ले नगर म ये एलईडी स्ट्रीट लाइट्स सफेद हाथी के तरह खड़े हवय। एती बर जब इहां के लोगन मन ह लोक निर्माण विभाग ले संपर्क करिस तब ओ हा विद्युत विभाग के पास आवेदन देए के सलाह दिस हे। एखर बाद विद्युत विभाग के पास गिस तो वो हा लोक निर्माण के कार्यालय के पता बताए लगिस। नतीजतन पंचायत के लोगन मन परेशान होकर अंधेरा म ही अपन जिंदगी गुजर बसर करत हवय। ए तरह रात के अंधेरा म हादसे के आशंका के बीच सड़क म सहम कर चलत हवय। ए मामला म पंचायत के लोगन मन के शिकायत म धमतरी कलेक्टर सीआर प्रसन्ना ह जल्द सुलझाए के भरोसा दिलाइस हे। एखर संग पंचायत म जल्द रोशनी की किरण पहुंचाए के आश्वासन दिस हे।

Related Articles

Leave a Reply

Your email address will not be published. Required fields are marked *

Close