नसीब वाला मन ला मिलथे हज के मऊका : बृजमोहन

रायपुर। हज-2018 बर “कुर्राह“ कार्यक्रम होईस। कार्यक्रम के उद्घाटन छत्तीसगढ़ शासन के कृषि व धर्मस्व मंत्री बृजमोहन अग्रवाल ह करिन। ऐ मऊका म ओमन ह कहिन कि हर मुसलमान के दिली ख्वाहिश होथे कि वो ह एक बार अपन प्रमुख तीर्थ स्थल हज के यात्रा पूरा करय। हज यात्रा बर जो मन भी आवेदन दे हे। वो ह परम परमेश्वर के आज्ञा ले के महत्वपूर्ण तीर्थ मा जाए बर मौका जरूर प्राप्त करहि। जेमन ह दिल में इरादा कर डारे हे अउ जेकर बुलावा हवय वो हज के लिए जरूर रवाना होही।
श्री अग्रवाल ह कहिन कि केन्द्र सरकार ह ऐ साल पूरा राष्ट्र म हज के कोटा बढ़ाए हे। जेखर कारण विगत साल के अपेक्षा ऐ साल अधिक संख्या मा प्रदेश से हाजी मन रवाना होहि। राज्य सरकार ह हज कमेटी के माध्यम ले हज यात्री मन ला उच्चस्तरीय सेवा दे बर प्रयास करत हे। कार्यक्रम मा हज कमेटी अध्यक्ष सै सैफुददीन अऊ हज कमेटी के कार्यपालन अधिकारी/सचिव साजिद मेमन अउ सदस्यगण नाजो सिद्दीकी, ताहिरा बानों अली संग प्रदेश के जम्मो जिला मन के जिला हज प्रभारी व राज्य के जम्मो हज आवेदकगण व मुस्लिम समाज के मनखे मन ह मौजूद रहिन।

हज कमेटी अध्यक्ष सैय्यद सैफुद्दीन ह कहिन कि हज इस्लाम के एक अहम स्थान हे, मोमिन हज बर खुदा के नेमत पाए बर जाथे। अउ खुदा के बेशुमार रहमत ले नवाज़े जाथे। ओ ह आज चयनित होवईया समस्त हज यात्री मन ला मुबारकबाद देवत सबो ला सफरे हज आसानी के संग अदा करे के दुआ दिस अउ सबझन ले दुआ के अपील करिस। कुर्राह के प्रक्रिया के सबो जानकारी हज कमेटी के कार्यपालन अधिकारी/सचिव साजिद मेमन ह दिस हे। ओमन कहिन कि हज 2018 बर राज्य ले कुल 1045 आवेदन मिले हे। जेमा 1044 वयस्क अऊ 1 इंफेट हवय। हज 2018 बर 55 आवेदक रिजर्व कैटेगरी के पात्र हवय। केन्द्रीय हज कमेटी के नियमानुसार राज्य ला प्राप्त कुल हज सीट 423 में से 55 रिज़र्व केटेगरी के आवेदक मन के सीट घटाके 368 हज सीट बर आज कुर्रा करे जाहि। बचे हज आवेदक मन ला कुर्राह के माध्यम ले प्रतिक्षा सूची में रखे गे हे। पूर्ण पारदर्शी कुर्रा ला अंजाम दे बर वो ह कुर्रा कमेटी के सभी सदस्यमन के आभार व्यक्त करिस।