ताजा समाचार

नेताजी सुभाष मल्टीपरपज स्टेडियम के निर्माण मई म हो ही पूरा

कृषि मंत्री अग्रवाल ह करिस निरीक्षण, बॉस्केटबॉल अउ बैडमिंटन कोरट बनाए के दिस निर्देश

दू मंजिला बनही स्टेडियम के मुख्य भवन ह….. विभिन्न खेल मन के प्रेक्टिस के सुविधा घलोक
रायपुर । राजधानी रायपुर के बीच म मोती बाग के आगू भव्य अउ आधुनिक सुविधायुक्त नेताजी सुभाष मल्टीपरप्स स्टेडियम के निरमान मई 2018 तक पूरा हो जाही। ए बखत स्टेडियम के निरमान कारय तेजी ले चलत हे। कृषि मंत्री बृजमोहन अग्रवाल ह मंगलवार के शाम निर्माणाधीन स्टेडियम के निरीक्षण करिस। श्री अग्रवाल ह निर्धारित समय म स्टेडियम के काम पूरा करे के निरदेश अधिकारी मन दिस हे। श्री अग्रवाल ह नरहरेश्वर तालाब सौंदर्यीकरण, सिद्धार्थ चौक ले पचपेड़ी नाका चौक तक सड़क डामरीकरण अउ सौंदर्यीकरण, महाराजबंद तालाब सौंदर्यीकरण अउ मरवाड़ी श्मशान घाट म कराए जा रहे निरमान कारय के अवलोकन करिस। छत्तीसगढ़ श्रम कल्याण मंडल के उपाध्यक्ष सुभाष तिवारी, नगर निगम रायपुर के जोन क्रमांक-6 के अध्यक्ष सालिक सिंह ठाकुर, रायपुर कलेक्टर ओ।पी। चौधरी सहित नगर निगम रायपुर, लोक निर्माण विभाग, वन विभाग अउ अन्य विभाग मन के वरिष्ठ अधिकारी ये अवसर म उपस्थित रहिन।
कृषि मंत्री श्री अग्रवाल ह सबले पहिली निर्माणाधीन नेताजी सुभाष स्टेडियम के निरीक्षण करिस हे। उमन ह मुख्य हॉकी मैदान ल देखे के बाद प्रोफेसर जे।एन। पाण्डेय शासकीय बहुउद्देश्यीय उच्चतर माध्यमिक विद्यालय के मुख्य गेट के ओर स्टेडियम म बॉस्केटबॉल, व्हालीबाल अउ बैडमिंटन कोरट बनाए के निर्देश दिस। श्री अग्रवाल ह इही ओर एक बड़े अउ एक छोटे गेट घलो बनाने के जरूरत म जोर दिस। उमन ह कहिन कि ये स्टेडियम शहर के बीच म हवय। येखर सालभर उपयोग होना चाहि। श्री अग्रवाल ह अधिकारी मन ले स्टेडियम बर पार्किंग व्यवस्था आदि के भी जानकारी लीस अउ मोती बाग के आगू के ओर भी मेनगेट के संग एक छोटा गेट बनाए बर कहिन। उमन ह दूनों छोटे गेट म रिवाल्विंग डोर लगाए के निरदेश दिस।
ये बखत म अधिकारी मन ह बताइस कि नेताजी सुभाष मल्टीपरप्स स्टेडियम के मुख्य भवन दू मंजिला हो ही। ये स्टेडियम मुख्य रूप ले हॉकी बर बनाए जात हे। हॉकी मैदान 75 हजार वर्ग फुट म बनही। ये घासवाला मैदान होही। ये मा स्प्रिंकलर लगाए जाही। मुख्य भवन के ग्राउण्ड फ्लोर म जूडो, कराते, टेबल टेनिस, कुश्ती, जिम अउ वेट लिफ्टिंग के प्रेक्टिस के सुविधा खिलाड़ी मन ल मिलही। फस्ट फ्लोर म शूटिंग, फेंसिंग, ताईक्वांडो अउ चेस जइसे खेल मन के प्रेक्टिस बर जरूरी व्यवस्था करे जात हे। दूसर तल म डारमेट्री होही। जिहां 168 लइका ठहर सकत हे। स्टेडियम के दायां अउ बायां हिस्सा म तीसरा मंजिल के निरमान करे जात हे। जिहां बॉक्सिंग बर बड़ा हाल बनही। ग्राउण्ड फ्लोर म किड्स जोन रहही। जिहां छोटे लइका मन के खेले व्यवस्था रहही।

Related Articles

Leave a Reply

Your email address will not be published. Required fields are marked *

Close