नैनी के मोंगरा फिलिम म धमाकेदार एंट्री

नैनी के मोंगरा फिलिम म धमाकेदार एंट्री
Like This Video 0 148 jayjohar.com
Added by September 7, 2017
  • महिला प्रधान फिलिम म दिखही नवा नवा रंग

कई गुण ल अपन आप म समाहित करईया नैनी (नंदिता) तिवारी ह अब मोंगरा फिलिम म धमाकेदार एंट्री करे हे। एखर पहिली वो ह एजाज वारसी के ड्रीम प्रोजेक्ट अंधियार म घलो भूमिका निभा चुके हे। मुंगेली जिला के रहवईया नैनी ह फिलहाल केन्द्रीय विद्यालय नवरंगपुर ओडिशा में शिक्षिका के पद म कार्यरत हे।

फिलिम के लेखक निर्देशक निर्माता सोहन लाल वर्मा हे जेन ह ऐ फिलिम ल 10 भाषा म रिलिज करे के तैयारी करत हे। फिलहाल ऐ फिलिम ह छत्तीसगढ़ी भाषा में शूट करे गे हे। फिलिम के कहानी नारी प्रधान हे जेमा बेटी बचाव के नारा ल एक बेहतर संदेश के रूप म दे के बात करे जात हे। निर्माता सोहन लाल वर्मा के मुताबिक फि़लिम मोंगरा के शूटिंग लगभग पूरा हो चुके हे। फि़लिम म एजाज वारसी सउदी अरब के मुसलमान के भूमिका म नजर आही। एखर गाना घलो सुग्घर ढंग ले बनाए गे हे। जेन ल सन्तोष यादव ह संगीतबद्द करे हे। संतोष पांच साल मुंबई म रहे हे अऊ देश भर म ओखर हिंदी आर्केस्ट्रा चलथे। गायिका छाया प्रकाश जैन जाना पहचाना नाम हे। फिलिम म नेहा तिवारी ह आइटम सांग करे हे। पवन शर्मा ह साई भजन गा हे। फिलिम म कुल आठ गाना हाबे जेन ल वर्तमान पसंद ल ध्यान म रखके तैयार करे गे हे। ऐ फिलिम के परिकल्पना राष्ट्रीय लेबल के बाजार ल ध्यान म रखके करे गे हे। जेखर विजुअल इफेक्ट ल बेहतर बताए जात हे। खासकर फाईट सीन म दक्षिण भारतीय तड़का होए के बात कहे जात हे।  फिलिम म हीरो दीपक सोनी, हीरोइन अंजना दास,  माँ के भूमिका में श्वेता शर्मा, खलनायक एजाज वारसी अऊ विजय भौमिक व पवन शर्मा ह मुख्य किरदार म नजर आही। लेखक निर्देशक निर्माता सोहन लाल वर्मा ऐ फिलिम ल आगामी शेड्यूल 25 मई से रिलिज करे के तैयारी म हे।

Similar Videos

No Comments

No Comments Yet!

No Comments Yet!

But You can be first one to write one

Write a Comment

Your data will be safe!

Your e-mail address will not be published. Also other data will not be shared with third person.
Required fields are marked*