ताजा समाचार

पुलिस के मुस्तैदी ले बच गे एक झन के जान

घर के झगड़ा के तनाव ले तंग आके महिला ह खा लिस जहर

धमतरी। जिला म पुलिस ह आत्महत्या करे बर जहर खाए एक महिला के मउवका म पहुंच के ओला मर ले बचा लिस । बतादन कि महिला निजी स्कूल म शिक्षिका हे अउ घरेलू झगड़ा के तनाव ले तंग आके अपन जान देय जास रहिस हे। महिला ह जहर पिये के पहिली 181 म फोन कर अपन आत्महत्या के सूचना दे रहिस हे। ये घटना 10 अप्रैल रात के हे।
मिले जानकारी म कोतवाली थाना क्षेत्र के हनुमान नगर म रहय्या सरिता (काल्पनिक नाम) ह 181 म फोन कर अपन घरेलू झगड़ा के जिकर करत हुए कहिस कि “एक युवक ह जे ह पहिली ले उँखर ले शादी कर चुके हे , लेकिन अब अपनाए बर तैयार नइ हे। ये वजह ले वोह अपन जान देना चाहत हे।” एखर बाद रात म करीब 2 बजे पुलिस ह काफी मशक्कत करे के बाद वो मकान मिलिस जिहां महिला किराए म रहिथे । पुलिस ह जब महिला के कमरा के दरवाजा ल तोड़िस, तब तक महिला जहर खा चुके रहिस हे। तभे आनन फानन म पुलिस ह बेहोशी के हालात म महिला ल इलाज बर जिला अस्पताल म भरती कराइ.। फिलहाल, इलाज के बाद अब महिला के हालत खतरा ले बाहर हे।

Related Articles

Leave a Reply

Your email address will not be published. Required fields are marked *

Close