ताजा समाचारब्रेकिंग न्यूज

पुसगुन्ना के जंगल म मुठभेड़ , कैम्प छोड़ के भागिस नक्सली मन

सीआरपीएफ ले लूटे हुए बुलेट प्रूफ जैकेट, खाली मैगजीन अउ भारी मात्रा विस्फोटक बरामद

रायपुर। सुकमा जिले म पुलिस ह नक्सली मन द्वारा सीआरपीएफ ले लूटे हुए बुलेट प्रूफ जैकेट अउ इंसास के खाली मैगजीन सहित भारी मात्रा म नक्सली मन के उपयोग म लाए जाने वाला दैनंदिनी सामग्री अउ विस्फोटक बरामद करिस । जिला पुलिस बल अउ डिस्ट्रिक्ट रिजर्व ग्रुप के संयुक्त दस्ता ह नक्सली मन के खिलाफ चला गे आपरेशन म कुकानार थाना क्षेत्र के जोंगेरास के पहाड़ी म नक्सली मन के संचालित कैंप म हमला करिस। उहां ले उक्त सामग्री बरामद करिस हे। हालांकि संयुक्त दस्ते के घेरेबंदी के दौरान उहां मौजूद नक्सली मैदान छोड़ के भागे म सफल होगे।
बुधवार के सुरक्षा बल अउ नक्सली मन म मुठभेड़ होइस हे। मुठभेड़ के बाद नक्सली कैंप छोड़के भाग गे। सुरक्षा बल के दावा हे कि मुठभेड़ म कुछ नक्सली मन ल गोली लगे हे। पुलिस ह नक्सली कैंप ल ध्वस्त कर दिस। मिली जानकारी के मुताबिक सुकमा के कुन्ना अउ पुसगुन्ना के जंगल म मुठभेड़ होइस । इहां ले बड़ी मात्रा म डेटोनेटर, कॉर्डेक्स वायर व विस्फोटक सामग्री बरामद करे गिस हे। सुकमा के पुलिस अधीक्षक अभिषेक मीणा ह घटना के पुष्टि करें हे। सुकमा के कुकानार थाना क्षेत्र म मुठभेड़ होइस हे। मुठभेड़ म डीआरजी अउ एसटीएफ के जवान शामिल रहिस हे। मुठभेड़ के बाद अभी भी सर्चिंग जारी हवय।

Related Articles

Leave a Reply

Your email address will not be published. Required fields are marked *

Close