ताजा समाचार

बलौदाबाजार के कलेक्टर के छात्र-छात्रा मन बर एक अनोखा पहल

दूरिहा ले परीक्षा दे बर अवइया लईका मन ल बस के बेवस्था ....अउ अनय समाचार

 बलौदाबाजार ।  कलेक्टर राजेश सिंह राणा ह बोर्ड परीक्षा देवइया छात्र-छात्रा मन बर एक अनोखा पहल करे हे। कलेक्टर राणा ह दूरिहा-दूरिहा ले परीक्षा दे बर अवइया लईका मन ल बस के बेवस्था कराए हे। जेकर ले छात्र-छात्रा बेरा ले पहिली परीक्षा दे बर पहुंच सकय। उहीं कलेक्टर के पहल ले परीक्षार्थी मन काफी खुस नजर आत हे।
तेंदूपत्ता घोटाला म प्रेम प्रकाश पाण्डेय ह पलटवार
PCC अध्यक्ष भूपेश बघेल के सरकार उपर लगाए गे तेंदूपत्ता घोटाला के आरोप उपर मंत्री प्रेम प्रकाश पाण्डेय ह पलटवार करिस। राजस्व मंत्री प्रेमप्रकाश ह पलटवार करत कहिस कि कांग्रेस तीर कोनो अऊ मुद्दा नइ हे। अऊ जइसन-जइसन चुनई तीर आत हे।।। वइसन-वइसन कांग्रेस तथ्यहीन आरोप लगात हे। आप मन ल बता दन कि बघेल ह सरकार उपर आरोप लगाते कहिस कि सरकार खुद ल आदिवासी मन के हितैसी बतात तेंदूपत्ता ल बढ़ावा दे के बात कहत रथे।
गर्मी ले परेसान लोगन मन ल राहत
छत्तीसगढ़ म मउसम ह अपन रूख बदले हे अऊ उमस भरे गर्मी ले परेसान लोगन मन ल राहत दे हे, कुछ जगह म हल्का बारिस घलो होइस हे। जेकर ले मउसम खुसमिजाज हो गे हे अऊ एकर ले तापमान म घलो गिरावट आए हे। मउसम ​बैज्ञानिक मन के मानें त रायपुर संभाग के संग ही बस्तर संभाग म कहूं-कहूं भारी बारिस के आसंका जताए जात हे। रायपुर के अलावा बालौद, गरियाबंद, महासमुंद, कांकेर, दंतेवाड़ा, जगदलपुर दुर्ग सहित कई जिला म बारिस हो सकत हे।
कांग्रेस के प्रतिनिधिमंडल दिल्ली निर्वाचन आयोग पहुंचिस
रायपुर।छत्तीसगढ़ कांग्रेस के प्रतिनिधिमंडल दिल्ली निर्वाचन आयोग पहुंचिस। जेमा छत्तीसगढ़ प्रभारी PL पुनिया, PCC अध्यक्ष भूपेश बघेल, कांग्रेस बिधायक दल के नेता टी एस सिंहदेव सहित बरिस्ठ कांग्रेस नेता मउजूद रिहिन। जेमें ओमन 11 संसदीय सचिव अऊ भाजपा के 18 बिधायक मन ल बर्खास्त करे बर ज्ञापन दिन।
डभरा, हसौद मार्ग उपर चक्काजाम
जांजगीर के मालखरौदा इलाका म डभरा, हसौद मार्ग उपर चक्काजाम कर दे हे। महिला मन सउचालय के रासि 2 बछर ले नइ मिले के कारन चक्काजाम करिन। लोगन मन अधिकारी मन उपर सउचालय के रासि जारी नइ करे के आरोप लगाए हे। असल म छपोरा गांव म बछर 2015-16 म लगभग 8 सौ सउचालय बनाए गे रिहिस। जेकर रासि अभू ले नइ मिले हे। चक्काजाम ले सड़क उपर वाहन मन के कतार लगे रिहिस फेर अधिकारी मउका म नइ पहुंचिन। फिलहाल ग्रामीन मन ल सउचालय के रासि कब मिलही एकर कोने आस्वासन अभू तक नइ मिले हे।
भोरमदेव महोत्सव सफल नइ हो पाइस
कवर्धा म दू दिवसीय भोरमदेव महोत्सव गुरूवार देर रतिहा समापन हो गिस। महोत्सव के समापन के दउरान बारिस ले तय कार्यक्रम प्रभावित हो गिस। असल म गुरूवार के कार्यक्रम के सुरुआत के संग ही बारिस सुरु हो गिस, जेमें बड़ संख्या म आए दर्सक वापस जाए लागिन, खुला मंच म कार्यक्रम होए के कारन आयोजन सफल नइ हो पाइस।

Related Articles

Leave a Reply

Your email address will not be published. Required fields are marked *

Close