विशेष

मध्यप्रदेश-छत्तीसगढ़ म छिड़ीस लड़ाई… जानें बर पढ़व

विवाद हवय कि कउन हे कड़कनाथ मुरगा के मालिक

रायपुर । मध्यप्रदेश अउ छत्तीसगढ़ के बीच आजकल एक विवाद चलच हवय। ये विवाद काबर हवय येला जाने के बाद आप मन ल हैरानी जरूर होही।
दरअसल ये दूनों राज्य मन के बीच विवाद के कारण कड़कनाथ मुरगा हे। कड़कनाथ मुर्गे के प्रजाति लाजवाब स्वाद बर मशहूर हवय। छत्तीसगढ़ अउ मध्यप्रदेश दूनों के बीच ये बात ल लेके विवाद हे कि कड़कनाथ मुरगा हे कखर। मध्यप्रदेश ह कड़कनाथ मुरगा के उत्पत्ति झाबुआ जिला म होये के दावा करिस हे। तव छत्तीसगढ़ के कहिना हे कि कड़कनाथ ल परदेश के दंतेवाडा जिला म अनोखा तरीका ले पाले जात हवय। ये काला पंख वाले मुरगा के प्रजाति बर जीआई टैग प्राप्त करने बर चेन्नई स्थित भौगोलिक संकेतक पंजीयन कार्यालय म आवेदन देय हवय।
श्रीनिवास गोगिनेनी के मुताबिक दंतेवाड़ा जिला म 160 ले अधिक कुक्कुड फारम चलाये जात हे। इती भगवान मंघनानी हैचरीज म सालाना करीब ढ़ाई लाख कड़कनाथ मुरगा के उत्पादन करे जात हे।
क्या हे एखर खासियत
विशेषज्ञ मन के मानन तव कड़कनाथ मुरगा के मांस म आयरन एवं प्रोटीन के मात्रा अन्य प्रजाति के मुरगा ले बेहद जादा होत हवय। इंही कारण ये मुरगा बाजार म काफी महंगा दाम म बिकत हवय। एखर मांस म 25 ले 27 प्रतिशत प्रोटीन होत हे। जबकि चरबी महज एक प्रतिशत होत हवय।

Related Articles

Leave a Reply

Your email address will not be published. Required fields are marked *

Close