ताजा समाचार

महतारी एक्सप्रेस 102- संजीवनी 108 के थम जाही पहिया….एखर संगे संग पढव अउ दूसर खबर

कर्मचारी मन ह शासन ल 5 अप्रैल तक मांग मन ल पूरा करे बर दीन हे मोहलत

रायपुर। मध्यप्रदेश के बाद अब छत्तीसगढ़ म भी महतारी एक्सप्रेस 102 अउ संजीवनी 108 के कर्मचारी मन ह अनिश्चितकालीन हड़ताल म जाए के ऐलान कर दिस हे। कर्मचारी मन ह शासन ल 5 अप्रैल तक मांग मन ल पूरा करे के मोहलत देवत हुए कहिन कि यदि उंखर मांगें तय समय म पूरी नइ करे जाही तो प्रदेश के सबले महत्वपूर्ण सेवा माने जाने वाले एंबुलेंस के पहिया थम जाही। दरअसल संजीवनी 108 अउ महतारी एक्सप्रेस 102 के कर्मचारी वेतन विसंगति के मांग ल लेकर आंदोलनरत हे।

ग्रामीन मन नंदकुमार साय ले भुइंया के मुद्दा ल लेके करिन सिकायत
रायगढ़ जिला के सराईटोला म अनुसूचित जाति जनजाति आयोग के अध्यक्ष नंदकुमार साय ह महाराष्ट्र पॉवर जनरेशन कोलमाइंस के बिरोध के समर्थन करिस। असल म ग्रामीन मन नंदकुमार साय ले भुइंया के मुद्दा ल लेके सिकायत करिन। जेकर उपर आयोग के अध्यक्ष नंदकुमार साय ह ग्रामीन मन के बात ल गंभीरता ले लेके कहिस कि एकर बर जिला प्रसासन, सासन स्तर के अधिकारी अऊ कमीसन के अधिकारी मन के उपस्थिति म पूरा बातचीत करही। उहें छत्तीसगढ़ के पूर्व मंत्री सत्यानंद राठिया घलो महाराष्ट्र पॉवर जनरेशन के कोल माइंस के जमके बिरोध करिस।ओहर कहिस कि क्षेत्र के जनता पहिली नासमझी म अपन क्षेत्र म कोल माइंस ल आए बर दे दिन, फेर अब जनता जाग गे हे।

11 लाख के ठगी करइया आरोपी दंपति गिरफ्तार
रायपुर म सर्राफा कारोबारी ले फिल्मी अंदाज म 11 लाख के ठगी करइया आरोपी दंपति ल पुलिस ह गिरफ्तार कर ले हे। आरोपी दंपति तंत्र-मंत्र ले बीमारी के इलाज करे के झांसा देके ठगी के घटना ल अंजाम दिस हे। पुलिस ह मामला के खुलासा करत हुए बताइस कि कारोबारी के पत्नी ले आरोपी दंपति ह तंत्र मंत्र ले बीमारी ठीक करे के नाव म जेवरात अऊ रकम ले रिहिस, अऊ जब पति के बीमारी ठीक नइ होइस, तब ओहर रकम वापस मांगिस, त घर छोड़के चेन्नई फरार हो गिस। पीड़ित के सिकायत म पुलिस ह आरोपी मन ल चेन्नई ले गिरफ्तार करे हे।

गरियाबंद जिला म मिड डे मील बेवस्था म खामी
गरियाबंद जिला म मिड डे मील के मॉनिटरिंग के कउनो बेवस्था नइ हे। महिला समूह के सदस्य मन अपन समझ ले लइका मन ल खाना बनाके खवाथे। एकर परिनाम कई दरि लइका मन फूड पॉईजनिंग के रुप म भुगत चुके हे। खाद्य सुरक्षा बिभाग के अधिकारी पंजीयन के नियम तो बतात हे, फेर एकर बर खाली एक पत्र जारी करे। एकर बाद अपन जिम्मेवारी ले पल्ला झाड़त हे। अइसन हाल सिक्षा बिभाग के घलो हे।

सीईओ उपर बीजेपी के प्रचार करे के आरोप
धमतरी म जनपद सीईओ उपर बीजेपी के प्रचार करे के आरोप लगे हे। मामला म कांग्रेस ह जिला प्रसासन ले सिकायत घलो दर्ज कराए हे, फेर अब तक कउनो कार्रवाई नइ होइस हे। जेकर उपर कांग्रेसी मन दू दिन म कार्रवाई नइ होए म कलेक्ट्रेट के घेराव करके उग्र आंदोलन के चेतावनी दिन हे। असल म धमतरी म बीजेपी के जनसंपर्क अभियान जोर सोर म चलत हे। उहें अभियान बर बकायदा रोड मैप घलो तइयार करे गे हे। कांग्रेसी मन के आरोप हे कि प्रसासनिक पद म रहत पार्टी के कार्यक्रम के प्रसार आपत्तिजनक हे।

Related Articles

Leave a Reply

Your email address will not be published. Required fields are marked *

Close