ताजा समाचारब्रेकिंग न्यूज

मुख्यमंत्री ह करिन एसएमसी हार्ट इंस्टीट्यूट अऊ आईव्हीएफ रिसर्च सेंटर के लोकार्पण

हृदय रोग संग प्रसूति संबंधी जटिल समस्या मन के इलाज बर बेहतर सुविधा मिलही इहां

रायपुर । मुख्यमंत्री डॉ। रमन सिंह ह सोमवार के विधानसभा रोड स्थित व्हीआईपी स्टेट म आधुनिक चिकित्सा सुविधा मन ले सुसज्जित एसएमसी हार्ट इंस्टीटयूट अऊ आईव्हीएफ रिसर्च सेंटर के लोकार्पण करिन। मुख्यमंत्री ह अस्पताल के सफल संचालन बर अस्पताल के संचालक मन ल शुभकामना दीन।                                                                                                                                  उमन कहिन कि ए अस्पताल जरुरतमंद मरीज मन ल बेहतर सुविधा देही। कृषि जलसंसाधन मंत्री बृजमोहन अग्रवाल अउ स्वास्थ्य मंत्री अजय चंद्राकर विशेष अतिथि के रुप म कार्यक्रम म उपस्थित रहिन। अस्पताल के संचालक डॉ. सतीश सूर्यवंशी ह अतिथि मन के स्वागत करत बताइस कि इहां हृदय रोग संग प्रसूति संबंधी जटिल समस्या मन के इलाज बर बेहतर सुविधा मिलही। उमन मुख्यमंत्री के नेतृत्व म प्रदेश म स्वास्थ्य सुविधा मन के विस्तार के उल्लेख करत कहिन कि राज्य सरकार कोति ले मुख्यमंत्री बाल हृदय सुरक्षा योजना, मुख्यमंत्री स्वास्थ्य सुरक्षा योजना जइसे बहुत अकन योजना चालू करे गए हे, जऊन गरीब परिवार मन ल बेहतर इलाज के सुविधा प्रदान करे म काफी कारगर हे। ए अवसर म अबड़ अकन वरिष्ठ चिकित्सक अऊ प्रबुद्ध नागरिक उपस्थित रहिन। आभार प्रदर्शन डॉ.प्रज्ञा सूर्यवंशी ह करिस।

Related Articles

Leave a Reply

Your email address will not be published. Required fields are marked *

Close