ताजा समाचारब्रेकिंग न्यूज

मुख्यमंत्री ह करिस ‘छत्तीसगढ़ टी 20 लीग’ क्रिकेट चैम्पियनशिप के ट्रॉफी के अनावरण

13ले 27 मार्च तक करे जाही। छत्तीसगढ़ के सात टीम हिस्सा लेंही, सीधा प्रसारण डीडी स्पोर्टस चैनल म

रायपुर। मुख्यमंत्री डॉ. रमन सिंह ह अपन निवास कार्यालय म ‘छत्तीसगढ़ टी 20 लीग’ क्रिकेट चैम्पियनशिप-2018 के ट्रॉफी के अनावरण करिस हे। आयोजन समिति के प्रतिनिधि मण्डल ह सौजन्य मुलाकात म मुख्यमंत्री ल बताइस कि ये चैम्पियनशिप के आयोजन नया रायपुर के ग्राम परसदा स्थित शहीद वीर नारायण सिंह अंतर्राष्ट्रीय क्रिकेट स्टेडियम म पावर स्पोटर्स प्लस फाउण्डेशन अउ सार्थक ग्रुप के सहयोग ले 13 मार्च ले 27 मार्च तक करे जाही। प्रतियोगिता म छत्तीसगढ़ के सात टीम हिस्सा लेंही। चैम्पियनशिप के सीधा प्रसारण डीडी स्पोर्टस चैनल म करे जाही।
मुख्यमंत्री ह आयोजन के सफलता बर शुभकामनाएं दीस । उंमन ह उम्मीद जताइस कि ये चैम्पियनशिप के माध्यम ले प्रदेश के प्रतिभाशाली खिलाड़ी मन ल अपन खेल कौशल के प्रदर्शन करे के अच्छा मंच मिलही। आयोजक मन ह मुख्यमंत्री ल ये भी बताइस कि चैम्पियनशिप के विजेता ल 15 लाख रुपिया , उप विजेता ल 10 लाख रुपिया अउ तीसरे स्थान म आवइया टीम ल पांच लाख रुपिया ले पुरस्कार दे जाही। ए बखत म भारतीय ओलंपिक संघ के संयुक्त सचिव विक्रम सिंह सिसोदिया, चैम्पियनशिप आयोजन समिति के संरक्षक द्वय डॉ. हिमांशु द्विवेदी अउ गजराज पगारिया, फाउण्डेशन के अध्यक्ष तरुण मरवाह, सचिव राजीव सोनी, छत्तीसगढ़ के प्रथम आईपीएल क्रिकेट खिलाड़ी शुभम अग्रवाल, कूच बिहार ट्राफी म सर्वाधिक रन बनाइया खिलाड़ी सानिध्य हुरकत अउ एडव्होकेट वर्ल्ड कप के फाइनल मैच म शतक बनाइया खिलाड़ी वजाहत रिजवी सहित आयोजन समिति के अनेक पदाधिकारी मन अउ सदस्य उपस्थित रिहिस हे।

Related Articles

Leave a Reply

Your email address will not be published. Required fields are marked *

Close