ताजा समाचार

यूबीजीएल ह धोखा दिस जवान मन ल

यूबीजीएल ले तीन हमला करिस, लेकिन एक भी गोला नइ फटिस

सुकमा। किस्टाराम अउ पलोड़ी के बीच म होय नक्सली वारदात म कोबरा बटालियन के जवान मन ल यूबीजीएल ह धोखा दिस। सूत्र के मुताबिक मुठभेड़ के दौरान जवान मन ह नक्सली मन उपर यूबीजीएल ले तीन हमला करिस , लेकिन एक भी गोला नइ फटिस। गौरतलब हवय कि मंगलवार के सुबह सर्चिंग अभियान म निकले कोबरा बटालियन ल नक्सली मन घेर ले रहिस हे। लेकिन कोबरा के टीम माओवादी मन उपर ये कदर भारी पड़ीस कि उम्मन ल भागना पडीस। सूत्र मन के मुताबिक कोबरा के टीम ह नक्सली मन उपर यूबीजीएल से तीन फायर करिस , लेकिन यूबीजीएल के 3 फायर म एक ठन भी गोला नइ फटिस। यदि तीन ठन गोल फट जाकिस तव तकरीबन 100 के तादाद म मौजूद नक्सली ढेर हो सकत रहिन। अउ हमार जवान सुरक्षित बच सकत रहिन हे। इती मुख्यमंत्री रमन सिंह ह हमला म शहीद जवान मन ल श्रद्धांजलि देवत बताइस कि सुकमा नक्सली हमला के पहिली कोबरा बटालियन के जवान मन अउ नक्सली मन के बीच मुठभेड़ होइस जेमा जवान मन नक्सली मन नुकसान पहुंचाइस । कई नक्सली मन घायल होइस अउ सामान रिकवर करिस हे।

Related Articles

Leave a Reply

Your email address will not be published. Required fields are marked *

Close