सियासत

रमन सिंह ह राहुल गांधी उपर लीस चुटकी …

कमजोर छात्र हे राहुल, परीक्षा के समय मंदिर-मंदिर घूमथे

रायपुर। कर्नाटक के पूर्व मुख्यमंत्री अउ बीजेपी के दिग्गज नेता बीएस येदियुरप्पा बर चुनाव प्रचार कर के रायपुर लउटे छत्तीसगढ़ के मुख्यमंत्री रमन सिंह ह राहुल गांधी उपर चुटकी लीस हे। उमन कहिन कि राहुल गांधी के स्थिति परीक्षा ले पहिली ठीक तरह ले पढ़ई न करइया लइका के जइसे हे। जे परीक्षा के दउरान मंदिर-मंदिर घूमत हे।
मुख्यमंत्री रमन सिंह ह राहुल गांधी के मजाक उड़ात हुए कहिन कि भगवान ये लइका मन के चेहरा पहिचानत हे, जे ह परीक्षा के बेरा म ही दरसन करे बर जाथे । सीएम ह कहा कि जे लइका सही तरीका ले पढ़इ नइ करत हे , अउ परीक्षा ले डरे हुए होथे वो ह कोनो एक मंदिर म नइ ठहरय उलटा मंदिर-मंदिर घूमत थे , ठीक ये हालत राहुल गांधी के हे ।
दरअसल पीछू माह कांग्रेस के राष्ट्रीय अध्यक्ष राहुल गांधी वोटर्स ल लुभाए बर कर्नाटक के मुख्यमंत्री सिद्धारमैया के संग कतको मंदिर मन म भगवान के दरसन कर पूजा-पाठ करत नजर आइस हे, जेला लेके सीएम रमन ह राहुल गांधी उपर चुटकी लीस हे।
आप मन ल बता दन कि 225 सीट वाले कर्नाटक विधानसभा चुनाव बर 12 मई के वोटिंग होही। अउ 15 मई के रिजल्ट घोषित करे जाही । लेकिन चुनाव के पहिली बीजेपी अउ कांग्रेस के बीच सियासी पारा गरमाये हुए हे। अउ दूनों ही दल मन के नेता आगू अवइया बखत म एक दूसर उपर सियासी वार अउ तेज कर सकत हे।

Related Articles

Leave a Reply

Your email address will not be published. Required fields are marked *

Close