राज्यसभा बर सरोज के नाव ल अब तय माने जात हे, समर्थक मन मनात हे जश्न

शाम सात बजे हो सकत हे नाव के घोषणा, सबो जोहत हे रद्दा धरम या सरोज…?

जय जोहार. आज दिन भर भाजपा सियासत म एक खबर आगी जईसे फैलत हे। ऐ खबर हे कि राज्यसभा जाए बर तय नाम माने जात रिहिस पार्टी के प्रदेश अध्यक्ष धरमलाल कौशिक के जगह अब दुर्ग के पूर्व सांसद सरोज पाण्डेय के नाम दौड़ म आगू बताए जात हे। दरअसल न्यूज एजेंसी एएनआई ह सूत्र के हवाले ले ऐ खबर के दावा करे हे। ओ कोती सरोज समर्थक मन जश्न घलो मनाए बर शुरू कर दे हे। 

बता देन कि कुछ दिन पहिली मुख्यमंत्री डॉ. रमन सिंह ह धरम कौशिक ल क्लीन चिट दे रिहिन जेखर बाद भाजपा सियासत म धरम ल राज्यसभा उम्मीदवार के तौर म देखे जात रिहिस। एखरे संगे संग धरम ह अपन नाव के घोषणा ले पहिली ही नामांकन पत्र खरीद ले रिहिन। ऐखर से ओमन ह ऐलान कर दे रिहिन की वो ह राज्यसभा जात हे। सूत्र बताथे कि इही बात ले आलाकमान नाराज हो गे।