सियासत

रायपुर एयरपोर्ट म समयदानी कार्यकर्ता मन के रिपोर्ट देखही अमित शाह

जिलाध्यक्ष मन ल चेताये गेहे कि उमन ह अपन जानकारी मन ल सही रखय

रायपुर । भारतीय जनता पार्टी के राष्ट्रीय अध्यक्ष अमित शाह 4 अप्रैल के कुछु घंटा बर राजधानी रायपुर आही। असल म अमित शाह ओडिशा म आयोजित कार्यक्रम म शामिल होए बर रायपुर होवत पहुंचही। ये दउरान वो ह दिल्ली ले आए के बाद रायपुर एयरपोर्ट म करीब डेढ़ घंटे तक रूक ही।
भाजपा के राष्ट्रीय अध्यक्ष अमित शाह के शॉट दउरा के खबर के बाद पूरा संगठन ल अलर्ट करे गिस हे। येमा भी खासकर जिलाध्यक्ष मन ल चेताए गेहे कि उणन अपन जानकारी मन ल सही रखें। एखर अलावा विधानसभा क्षेत्र ले आवइया फीडबैक के रिपोर्ट ल घलो तैयार रखे बर कहे गेहे । सूत्र मन के कहिना हे कि भाजपा अध्यक्ष अमित शाह अपन रायपुर दउरा के दउरान समयदानी कार्यकर्ता मन के रिपोर्ट ल घलोक देखही। आपमन ले बता दन कि समयदानी कार्यकर्ता मन के रिपोर्ट ही प्रदेश के कई विधायक मन के भविष्य तय करइया हे। अइसे म अगर सोझे म खुद राष्ट्रीय अध्यक्ष अमित शाह ये रिपोर्ट ल अभी ले देखही तो आवइया विधानसभा चुनाव के दउरान कई विधायक मन के टिकट घलो कटना तय हे।
येती छत्तीसगढ़ के भाजपा अध्यक्ष धरमलाल कौशिक ह बताइन कि रायपुर एयरपोर्टम ही अमित शाह ले मुख्यमंत्री रमन सिंह सहित भाजपा संगठन के आला नेता मुलाकात करही। ये मुलाकात म प्रदेश के राजनीतिक हालात उपर चरचा करे जाही। पार्टी सूत्रों की मानें तो इस चुनावी साल में भाजपा के राष्ट्रीय अध्यक्ष का ये चंद घंटो का दौरा भी काफी अहम है।

Related Articles

Leave a Reply

Your email address will not be published. Required fields are marked *

Close