ताजा समाचारब्रेकिंग न्यूज

रायपुर दक्षिण विधानसभा म बगरत हे विकास के नवा अंजोर

जनता अउ भाजपा कार्यकर्ता मन ह जताइन मंत्री बृजमोहन अग्रवाल के आभार

रायपुर । रायपुर दक्षिण विधानसभा क्षेत्र के जनता के संगेच सैकड़ों भाजपा कार्यकर्ता मन ह रायपुर दक्षिण विधायक अउ प्रदेश के कृषि-सिंचाई मंत्री बृजमोहन अग्रवाल ले ऊंखर निवास म मुलाकात करके क्षेत्र म स्वीकृत विकास कार्य मन बर धन्यवाद दीस। ढोल-नंगाड़ा के संग पहुंचे कार्यकर्ता मन ह श्री अग्रवाल ल तिलक लगाके अउ फुल के हार पहिराके धन्यवाद दे हे ।
आप मन जानतेच हव के ए साल के बजट म सरकार ह रायपुर दक्षिण विधानसभा के भाठागांव क्षेत्र ल कॉलेज के सौगात देहे हे। ए कॉलेज के खुले ले क्षेत्र के हज़ारों पढ़ईया लईका मन ल लाभ मिलही। एखर अलावा क्षेत्र के आन विकास काम मन बर हाले म 21 करोड़ के राशि स्वीकृत होए हे। हिन्द स्पोर्टिंग मैदान म स्टेडियम बनाए के काम घलो शुरू होवइया हे।
ए अवसर म अपन छोटकन भाषण म बृजमोहन अग्रवाल ह कहिन कि शहर के विकास के काम सरलग होवत हे। आम जनता के अलावा हमार भाजपा कार्यकर्ता घलो जनभावना मन के मुताबिक क्षेत्र के विकास काम मन ल गति देहे के प्रयास करथें। इही हमर ताकत हे, जइसे हमला जानकारी होथे हम जल्दी समस्या मन के निदान अऊ मांग मन ल पूरा करे के कोसिस करथंन। विकास के कड़ी थमने वाला नइ हे। जनता जइसे विकास रायपुर दक्षिण विधानसभा म चाहत हे हम उही दिशा म आगू बढ़त रहिबोन।
ये विकास कार्य मन ल लेके भाजयुमों प्रदेश महामंत्री संजू नारायण सिंह के अगुवाई म युवामोर्चा के जिला भाजयुमो अध्यक्ष राजेश पांडे, प्रदेश मंत्री अमित साहू, जिला उपाध्यक्ष सुमित शर्मा, डॉ. उपेंद्र त्रिवेदी, विजय व्यास, सजल श्रीवास्तव, सचिन मेघाणी, प्रशांत ठाकुर, तरल सोलंकी, अजय सोनी, श्रेयांश दासानी, राम प्रजापति, सदाशिव सोनी, अम्बर अग्रवाल, अतुल यादव, अंकित गोयल, महिला मोर्चा जिला अध्यक्ष शैलेन्द्री परगनिया के संग शशि अग्रवाल, नीतू सोनी, सविता साहू, सीमा सिंह, पिंकी, पायल अंबवानी, मंडल भाजपा अध्यक्ष चूड़ामणि निर्मलकर, बिहारीलाल साहू, मुकेश पंजवानी, विनय ओझा मन ह मंद्धी जी के अभिनंदन करिन। वरिष्ठ भाजपा नेता अउ आरडीए उपाध्यक्ष रमेश सिंह ठाकुर के संग पहुंचे सुखनंदन सोनकर, जिला भाजपा कोषाध्यक्ष योगी अग्रवाल, जोन अध्यक्ष सालिक सिंह ठाकुर, कचरू साहू, पार्षद मनोज वर्मा, कमल साहू, किरण साहू, राजकुमारी व्यास, हरिवल्लभ अग्रवाल, बिहारी होतवानी, केके अवधिया, मन्नू नायक, ज़की रजा, पंकज चौरसिया, विनोद रोहरा, मोहित नाथवानी, दीपक यादव, राजू बिरनानी, शंकर व्यास, फारुख भाई, इंदर पठारे, राधे बुंदेला मन ह श्रीफल भेंट करके अऊ पुष्पहार पहिराके क्षेत्र के जनता कोति ले धन्यवाद ज्ञापित करिस।

Related Articles

Leave a Reply

Your email address will not be published. Required fields are marked *

Close