ताजा समाचार

रिश्वत लेवत हुए पटवारी के वीडियो वायरल

अनुविभागीय अधिकारी पुष्पेंद्र शर्मा ह पटवारी ल कर दिस सस्पेंड

रायपुर। छत्तीसगढ़ के सरगुजा जिला के बतौली थाना क्षेत्र म सुवारपारा के पटवारी हल्का नंबर 9 म पदस्थ पटवारी के रिश्वत लेय के मामला म विभाग ह ओला सस्पेंड कर दिस हे। दरअसल, किसान मन ले रिश्वत लेवत हुए पटवारी के एक वीडियो वायरल होइस हे, जेखर बाद अनुविभागीय अधिकारी पुष्पेंद्र शर्मा ह मामला म संज्ञान में लेवत हुए पटवारी ल तत्काल सस्पेंड कर दिस। मामला म जानकारी देवत हुए अनुभागीय अधिकारी पुष्पेंद्र शर्मा ह बताइस कि बतौली थाना क्षेत्र के सुवारपारा म पटवारी मंगल साय पदस्थ हे । बीते मंगलवार के पटवारी के एक वीडियो वायरल होइस हे। जेमा ओहर नामांतरण अउ सीमांकन बर किसान मन ले घूस लेवत हुए देखाए गिस हे। जेखर बाद मामला ह अतका तूल पकड़ लिस कि कुछु घंटा बाद अनुविभागीय अधिकारी पुष्पेंद्र शर्मा ह पटवारी ल सस्पेंड कर दिस हे। एती, बतौली क्षेत्र म वायरल वीडियो के चर्चा के बाजार गरम हो गेहे। पुष्पेंद्र शर्मा ह कहिन कि पूरा मामला म वायरल होए वीडियो म प्रथम दृष्टया पइसा के लेनदेन साफ दिखत हवय। एखर सेती मामला ल संज्ञान म लेवक हे पटवारी ल तत्काल सस्पेंड कर दे गेहे। उमन ह कहिन कि आगे के जांच बतौली के नायब तहसीलदार ल सौंपे गेहे। तभे ये पूरा मामला के खुलासा जांच के बाद हो सकही। ये मा दूनों पक्ष के बयान घलो दरज करे जाही, जेखर ले पूरा मामला के निष्पक्षता ले जांच हो सकय।

Related Articles

Leave a Reply

Your email address will not be published. Required fields are marked *

Close