ताजा समाचार

रोजगार सहायक मन के मानदेय बढ़ाए के आदेश जारी

मुख्यमंत्री ह अपन बजट भाषण म मानदेय बढ़ाए के ऐलान करे रहिस हे

रायपुर। छत्तीसगढ़ के ग्राम पंचायत मन म कारयरत मनरेगा के रोजगार सहायक मन के मानदेय बढ़ाए के आदेश जारी करे गेहे। उमन ल बढ़े हुए मानदेय एक अप्रैल 2018 ले मिले लगही। मुख्यमंत्री ह पीछू महीना के दस तारीख म विधानसभा म आगामी वित्तीय बरस 2018-19 बर अपन बजट भाषण म रोजगार सहायक मन ल मानदेय बढ़ाए के ऐलान करे रहिस हे।
उंखर घोषणा म अमल करत हुए पंचायत अउ ग्रामीण विकास विभाग मंत्रालय ह आदेश जारी करिस हे। आदेश म पांच बरस या येखर ले जादा अवधि वाले रोजगार सहायक मन ल 4625 रूपए के जगह म छह हजार रूपिया अउ पांच वरस के सेवा वाले रोजगार सहायक मन ल पांच हजार रूपिया के मान ले बढ़े हुए मानदेय मिलही। लगभग आठ हजार 658 रोजगार सहायक मन ल येखर फायदा मिलही।

Related Articles

Leave a Reply

Your email address will not be published. Required fields are marked *

Close