ताजा समाचार

लोक सुराज अभियान म 30 लाख ले ज्यादा आवेदन

12 ले 31 मार्च तक समाधान शिविर, मुख्यमंत्री इहु बरिस करहि आकस्मिक दौरा

रायपुर । प्रदेशव्यापी लोक सुराज अभियान 2018 के पहिली चरण म छत्तीसगढ़ के सब्बों 27 जिला म आयोजित आवेदन संकलन शिविर मन म लोगन मन के विभिन्न विषय म विभिन्न विभाग बर 30 लाख 10 हजार ले ज्यादा आवेदन मिलिस हे। जेखर निराकरण करे जात हे।
राज्य सरकार ह आम जनता ल लोक सुराज अभियान ले संबंधित जानकारी देय बर वेबसाईट घलो बनाय हवय। ये वेबसाईट के एड्रेस- सीजी डॉट एनआईसी डॉट इन/लोक सुराज/ (cg।nic।in/loksuraj/ ) हवय। संकलन शिविर म मिले आवेदन मन के संबंधित विभाग ह निराकरण करके वेबसाईट म दरज करत जात हे। कोनो भी मनखे ह ये वेबसाईट म अपन आवेदन पत्र के नम्बर ल डालके निराकरण के बारे म जानकारी ले सकत हे।
उल्लेखनीयहवय कि ए बरस लोक सुराज अभियान घलो तीन चरण म संचालित होत हे। पहिली चरण म 12 जनवरी ले 14 जनवरी तक सब्बों विकासखण्ड मुख्यालय, ग्राम पंचायत अउ नगरीय निकाय के दफ्तरों म समाधान पेटी रखके आवेदन पत्र संकलित करे गिस। ए बखत 30 लाख 10 हजार 425 आवेदन मल हे। एमा ले 28 लाख 05 हजार 640 आवेदन ग्रामीण इलाका ले अउ एक लाख 85 हजार 761 आवेदन शहर इलाका ले मिलिस हे। ऑनलाइन आवेदन के संख्या 19 हजार 24 हवय। अब अभियान के दूसर चरण म 15 जनवरी ले 11 मार्च तक ये आवेदन मन के परीक्षण अउ निराकरण करे जात हे। एखर बाद 12 मार्च ले 31 मार्च तक सब्बों जिला म ग्राम समूह के बीच अउ शहरी इलाका म वार्ड समूह के स्तर म समाधान शिविर लगाए जाही। जेमा आवेदक मन के आवेदन पत्र के निराकरण बर कार्रवाई के जानकारी देय जाही।

Related Articles

Leave a Reply

Your email address will not be published. Required fields are marked *

Close