संसदीय सचिव मन के नियुक्ति मामला म राज्य सभा चुनाव के बाद हो ही विशेष सुनवाई

बिलासपुर। छत्तीसगढ़ म संसदीय सचिव मन के नियुक्ति मामला म शुक्रवार के बिलासपुर हाई कोर्ट म विशेष सुनवाई होवइया रहिस हे। लेकिन हाई कोर्ट ह मामला म विशेष सुनवाई ल दू सप्ताह बर टाल दिस हे। हाई कोर्ट के चीफ जस्टिस के डिविजन बैंच म मामला के सुनवाई चलस हवय।
दरअसल संसदीय सचिव मन के मामला म बिलासपुर हाईकोर्ट म फैसला सुरक्षित हवय। माने जात हे कि ये फैसला जल्द ही हाईकोर्ट के तरफ ले सुनाए जा सकत हे। लेकिन याचिकाकर्ता के तरफ ले कुछु क्यूरी कोरट म दे गेहे। जेखर बाद आज ये मामला म विशेष सुनवाई होना रहिस हे।
बतादन कि छत्तीसगढ़ म समाजिक संस्था हमर संगवारी संस्था के राकेश चौबे अउ पूर्व मंत्री मोहम्मद अकबर ह छत्तीसगढ़ म संसदीय सचिव मन के पद खत्म करे बर याचिका दायर करे रिहिस हे। येखर से पहिलि पीछू बच्छर ही एक महत्पूर्ण फैसला म कोरट ह संसदीय सचिव मन के अधिकार म बैन कर दे रिहिस हे। उखर बाद कई बार ये मामला म सुनवाई हो चुके हे। याचिकाकर्ता ह परदेश म 11 संसदीय सचिव मन के नियुक्ति ल गलत बताए हे।