ताजा समाचारब्रेकिंग न्यूज

सदस्य मन ह करिस डॉ. रमन सिंह के अभिनंदन

राज्य म 633 आश्रम-छात्रावास भवन मन के होही निर्माण

रायपुर । मुख्यमंत्री डॉ. रमन सिंह ह कहिन हे कि राज्य के सबो 633 भवन विहीन छात्रावास मन अऊ आश्रम शाला मन बर करीबन एक हजार 049 करोड़ रूपिया के लागत ले भवन मन के निर्माण युद्धस्तर म करे जाही। एखर बर राष्ट्रीय कृषि अउ ग्रामीण विकास बैंक (नाबार्ड) अऊ जिला खनिज न्यास निधि (डीएमएफ) संग आन मद मन ले राशि के व्यवस्था करे जात हे। डॉ. सिंह ह विधानसभा परिसर स्थित नवीन समिति कक्ष म अनुसूचित जाति विकास प्राधिकरण के 22वां बैठक म ये जानकारी दीस।
डॉ. सिंह के अध्यक्षता म बैठक म प्राधिकरण के राशि ले कई ठन जिला मन म स्वीकृत अऊ निर्माणाधीन काम मन के विस्तृत समीक्षा करे गीस। सदस्य मन ह अनुसूचित जाति अऊ जनजाति वर्ग के 27 समुदाय मन के नांव मन म उच्चारण विभेद ल मान्य करे के ऐतिहासिक फैसला बर अऊ पाछू राज्योत्सव 2017 म राष्ट्रपति रामनाथ कोविंद गिरौदपुरी धाम आमंत्रित करके ऊंखर हाथ विशाल सामुदायिक भवन के शिलान्यास करवाए बर मुख्यमंत्री डॉ. रमन सिंह के प्रति आभार जताइस। सदस्य मन ह एखर बर मुख्यमंत्री के अभिनंदन घलो करिन। प्राधिकरण के सदस्य मन ह कहिन कि अनुसूचित जनजाति के 22 अऊ अनुसूचित जाति वर्ग के पांच समुदाय मन के जातिगत नांव मन म हिज्जा अऊ उच्चारण संबंधी विभेद ल मान्य करे म जाति प्रमाण पत्र बनवाना बहुत आसान हो गए हे। एखर से लाखों मनखे मन ल अऊ विशेष रूप ले छात्र-छात्रा मन ल काफी राहत मिले हे।

Related Articles

Leave a Reply

Your email address will not be published. Required fields are marked *

Close