ताजा समाचार

सबो जिला मुख्यालय मन म शिक्षाकर्मी मन ह सौंपिस ज्ञापन

केंद्रीय मूल्यांकन के बहिष्कार के घोषणा सम्बन्ध म

रायपुर। संविलियन के मांग ल लेकर आज पूरा राज्य भर म जिला मुख्यालयो मन म शिक्षाकर्मी मन ह ज्ञापन सौपिस। शिक्षाकर्मी काफी समय ले संविलियन के मांग करत हे। ये सम्बन्ध म एक कमेटी घलोक बना् गिस हे। जेला ३ महीने म अपन रिपोर्ट सौपना रिहिस हे। लेकिन समय म काम पूरा नइ हो पाइस एखर सेती एक महीना कार्यकाल बढ़ाए गे हे।
मुख्यसचिव के अध्यक्षता म बने ये कमेटी ह १६ मार्च के शिक्षाकर्मी मन ल चरता बर बुलाए रिहिस हे। लेकिन सिरफ ६ लोगन ले बात करके उमन फेर चरचा करके बात कही के मीटिंग ल समाप्त कर दीस। ओखर बाद ले शिक्षाकर्मी मन ल ३ अप्रैल ले होवइया केंद्रीय मूल्यांकन के बहिष्कार के घोषणा करे रिहिस हे। ये सम्बन्ध म सोमवार के सबो जिला मुख्यालय मन म ज्ञापन सौंपे गेहे।

Related Articles

Leave a Reply

Your email address will not be published. Required fields are marked *

Close