ताजा समाचार

साहब.. मय तो जिंदा हव अउ मोला मोर हक के राशन तो दे दव….. का हे मामला जाने बर पढ़व

लोरमी खाद्य अधिकारी के दफ्तर म पहुंच के पता करिस तो उखर होश उड़गे।

रायपुर। छत्तीसगढ़ के खाद्यमंत्री पुन्नूलाल मोहले के गिरह जिला मुंगेली म खाद्य विभाग के अनोखा कारनामा आग आइस हे । । विभाग के लापरवाही के चलत इहां जीती जागती महिला ल कहिनी पड़त हे कि साहब.. मैं तो जिंदा हव ,,,,अउ मोला मोर हक के राशन तो दे दव।
ये मामला मुंगेली जिला के लोरमी तहसील के कंसरी गांव के हे। इहां बुजुर्ग विधावा महिला पवारा बाई ल दू महीना ले राशन नइ दिए जात हे। महिला ह जइसे -तइसे लोरमी खाद्य अधिकारी के दफ्तर म पहुंच के पता करिस तो उखर होश उड़ गे। काबर कि ओला बताए गिस कि वो ह मर गे हे। जेखर कारण ओखर नाम राशन के सूची म ले काट दे गेहे। अपन मउत के बात सुनके पवारा बाई ह घबरा के भूंइया म बइठगे । थोड़कीन देर बाद बोलिस कि साहब, मय तो जिंदा आप मन के खड़े हव। तो मौजूद अधिकारी कहिन कि कइसे मान लन। एखर बर तोला जिंदा होय के प्रमाण पत्र लाय बर पड़ही। थके हारे बुजुरग महिला ह अपन बेटा के संग खुडिया चौकी पहुंचिस अउ अपन जीयत होय के प्रमाण अउ दोषी मन उपर कार्रवाई के आवेदन दिस हे। अब देखव महिला ल जियत होय प्रमाण पत्र मिलथे कि जिला प्रशासन के पास गुहार लगाए बर जाथे।

 

Related Articles

Leave a Reply

Your email address will not be published. Required fields are marked *

Close