ताजा समाचार

सिंगनपुर, तोतर, छापर, भानपुरी अउ कोरली ल 97 लाख के विभिन कारय मन के सौगात

गांववाले ले परशंसा सुन के मुख्यमंत्री ह मितानिन राजकुमारी ल मंच म बुलाके दिस जोहार

रायपुर। मुख्यमंत्री डॉ रमन सिंह लोक सुराज अभियान म आज नक्सल प्रभावित बस्तर जिला के तोकापाल विकासखंड के गांव सिंगनपुर म आयोजित समाधान शिविर म शामिल होइन। उमन ह गांववाले मन ले योजना मन के क्रियान्वयन अउ शिविर म मिले आवेदन के निराकरण के जानकारी लीस हे। मुख्यमंत्री ह गांववाले मन के मांग म सिंगनपुर, तोतर, छापर, भानपुरी अउ कोरली ल 97 लाख के विभिन कारय मन के सौगात दीन।
सिंगनपुर म लइका मन ह हॉकी खेलथे। गांव के 3 लइका ह नेशनल गेम म घलोक खेल चुके हे। गांव वाले मन के मांग म मुख्यमंत्री ह सिंगनपुर म एक मिनी स्टेडियम बनाए बर 30 लाख रुपिया के मंजूरी दीस। डॉ साहेब ह लइका मन ल हॉकी स्टिक घलो दिस।
मुख्यमंत्री ह गांव वाले मन ल संबोधित करत हुए कहिन कि लोक सुराज अभियान ले हर छोटे-बड़े समस्या मन के समाधान हो जात हे। ये क्लस्टर के 109 लोगन अइसे हे जेखर नाव राशन कारड म नइए। लोक सुराज के माध्यम ले आज सबो 109 लोगन के राशन कारड म नाम जुड़ गेहे। अप्रैल ले येमन ल राशन घलो मिले लगही। मुख्यमंत्री ह कहिन कि प्रधानमंत्री के घोषणा के अनुरूप अब सबो आदिवासी अउ तेंदूपत्ता संग्राहक मन ल उज्ज्वला योजना म गैस कनेक्शन मिलही। उमन ह मंच म बिजली विभाग ले अधिकारी ल बुलाके सौभाग्य योजना के जानकारी लीस अउ कहिन कि सिंगनपुर क्लस्टर म 30 अप्रैल तक अउ तोकापाल विकासखंड म जून 2018 तक हर घर अउ हर मजरा टोला म बिजली पहुंच जाही।
मुख्यमंत्री ह मितानिन के करिस तारीफ
मुख्यमंत्री ल आज गांववाले मन ह सिंगनपुर के मितानिन राजकुमारी सेठिया के कारय के जानकारी दीन। गांववाले मन ह बताइस कि ये गांव म अस्पताल नइए, लेकिन मउका म मितानिन सबों के मदद करत हे। गांव वाले ले प्रशंसा सुन के मुख्यमंत्री ह मितानिन ल अपन पास बुलािस अउ ओखर अच्छा काम बर बधाई दीस। राजकुमारी 2003 ले मितानिन के काम करत हे। ये अवसर म मुख्य सचिव अजय सिंह, विधायक चित्रकोट दीपक बैज, पूर्व विधायक वैदूराम कश्यप, अपैक्स बैंक के अध्यक्ष अशोक बजाज अउ मुख्यमंत्री के सचिव सुबोध सिंह उपस्थित रहिन हे।

Related Articles

Leave a Reply

Your email address will not be published. Required fields are marked *

Close