ताजा समाचार

सिक्छाकर्मी मन ल सरकार ह दिया झटका …..

हाई पावर कमेटी के कार्यकाल ल एक माह बढाइस

रायपुर। सिक्छाकर्मी ल फेर एक बार सरकार ह बड़ा झटका देवत हुए उंखर समस्या मन के निराकरण बर बनाए गे हाई कमेटी के कार्यकाल फेर एक दफा एक माह बढा दिस हे। अइसने दूसरय्या दफा होइस हे। एखर पहिलि घलो एक माह बर कार्यकाल बढ़ाए गे रिहिस हे, जे 5 अप्रैल के खत्म होगे रिहिस हे। ये तरह ले कमेटी के कार्यकाल 3 माह के रहिन हे , जे अब 5 माह के होगे। सवाल ये उठत हे कि कमेटी रिपोर्ट सौंपही या नइ ?
सिक्छाकर्मी मन के आंदोलन के बाद उंखर मांग मन म निर्णय ले बर सरकार ह सिक्छाकर्मी मन के विरोध के बावजूद हाई पावर कमेटी के गठन करिस हे, जेखर अध्यक्षता खुद प्रदेश के मुख्य सचिव करत हे। येखर बाद भी कमेटी निर्धारित समय सीमा म अपन रिपोर्ट नइ देय पावत हे। कमेटी ल 5 मार्च तक अपन रिपोर्ट शासन ल सौंपना रिहिस हे। ये रिपोर्ट न सौंप पाय के हालत म शासन ह कमेटी के कार्यकाल ल एक माह बढ़ादिस हे। जेखर बाद 5 अप्रैल के अंतिम समय सीमा तय हो गिस हे। तभो ले कमेटी अपन रिपोर्ट नइ सौप पाइस, जेला देखत हुए फेर ले कमेटी ल एक माह के विस्तार दे देगिस । सवाल ये उठत हे कि जब अतका बड़े बड़े अधिकारी कमेटी म होय के बावजूद निश्चित समय सीमा म अपन काम नइ कर पावत हे। तो अन्य कर्मचारी अधिकारी मन ले का उम्मीद करे जा सकत हे।

Related Articles

Leave a Reply

Your email address will not be published. Required fields are marked *

Close