ताजा समाचार

सीएम रमन ल बुजुर्ग मन कहिन श्रवण कुमार

अभियान के दूसरा दिन मुख्यमंत्री सेमहरा म लगाइस चौपाल

रायपुर। मुख्यमंत्री डॉ. रमन सिंह ह लोक सुराज अभियान के तीसरे चरण के दूसरइया दिन सोमवार के गरियाबंद जिला के ग्राम सेमहरा म उतरिस। ग्रामीण मन ह तुरंत-फुरंत आम के पेड़ के छांव म चौपाल लगाके उंखर आत्मीय स्वागत करिस। ए मौउका म राज्य सरकार के मुख्यमंत्री तीर्थ यात्रा योजना के तहत शिरडी अउ शनि शिंगनापुर के तीर्थाटन ले लौउटे दू मनखे बंशी चंद्राकर अउ गणेश चंद्राकर ह पलाश के फूल ले मुख्यमंत्री के स्वागत करत कहिन कि आप मन हमार श्रवण कुमार हवव। डॉ.रमन ह चौपाल म ये जानकर काफी खुश होइस कि सेमहरा ग्राम पंचायत म विगत दो पंचायत चुनाव म ग्रामीण मन ह निर्विरोध निर्वाचन करिस हे। अउ सरपंच अउ पंच के चुनाव आम सहमति ले होइस हे। डॉ. सिंह ह कहिस कि ये ग्रामीण मन के बढ़िया परम्परा हवय। राज्य सरकार ह निर्विरोध निर्वाचन वाले ग्राम पंचायत मन ल प्रोत्साहन दे बर पांच लाख रूपिइया के अतिरिक्त धन राशि के कार्य मंजूर करे के प्रावधान हवय।
मुख्यमंत्री ह कहिन कि चूंकि ये ग्राम पंचायत के दू चुनाव में निर्विरोध निर्वाचन होए हे, एखर सेती पंचायत ल अतिरिक्त विकास कार्य मन बर पांच-पांच लाख रूपिइया के मान ले दस लाख के प्रोत्साहन राशि दे जाही। उंम्मन ह सेमहरा म वर्तमान सत्र ले शुरू होये शासकीय हाईस्कूल बर भवन निर्माण के स्वीकृति घलो तुरंत प्रदान कर दीस।

Related Articles

Leave a Reply

Your email address will not be published. Required fields are marked *

Close