ताजा समाचार

सीएम ह पूछिस ओडीएफ के भुगतान होगे

लोगन मन हाथ उठाके कहिन कि नइ मिले हे पइसा ..

अम्बिकापुर। लोकसुराज समाधान शिविर म सोमवार के लुंड्रा के ससौली म मुख्यमंत्री डॉ. रमन सिंह के उडऩखटोला उतरीस। । शिविर म सीएम ह जनपद सीईओ ले क्लस्टर वाइस कारय मन के जानकारी मांगिस। देखर बाद जनपद सीईओ यशपाल सिंह ह एक-एक करके क्षेत्र के सब्बों योजना मन के जानकारी दीस। ये दउरान बीच-बीच म मुख्यमंत्री कारय अउ कारय म लगे मजदूर मन के जानकारी लेत रहिन हे। ओडीएफ के भुगतान के जानकारी लेवत हुए उपस्थित लोगन मन ले जब हाथ उठवा के पूछिस तो कई लोगन नम पइसा नइ मिले के बात कहीन।
सीएम ह पूछिस कि आप मन के का मांग हे । जे लोगन के नाम पीडीएफ म नया नाम जुड़े हे, उंखर मन के नाम मंच ले पढ़के बताय जाए तव पढ़े के बताए गिस। विघुत विभाग ल शत-प्रतिशत विघुतिकरण के निर्देश देय गिस। ये दउरान विभाग ह जानकारी दीस कि जून महीना तक लुण्ड्रा ल स्वतंत्र सब स्टेशन मिल जाही, जेखर ले लो वोल्टेज के समस्या अम्बिकापुर अउ लुंड्रा दूनो म समाप्त हो जाही। मुख्यमंत्री ले ग्रामीण मन ह सड़क अउ पुलिया के मांग करिस हे । जेखर मउका म ही अधिकारी मन बुलाके जल्द बनवाने के निर्देश देय गिस। एक झन ग्रामीण ह कहिस कि पटोरा के संग सौतेला व्यवहार करे जात हे। जेमा सीएम ह हंसत हुए अधिकारी मन ल सौतेला व्यवहार न करेके निर्देश दिस ।

Related Articles

Leave a Reply

Your email address will not be published. Required fields are marked *

Close