ताजा समाचार

सूखा राहत के नाम केंद्र ह थमाइस झुनझुना

मांगे गेहे 4,401 करोड़ मिलीस हे 1500 करोड़

रायपुर। छत्तीसगढ़ ल सूखा राहत के नाम म केंद्र सरकार ह झुनझुना पकड़ा दिस हे। केन्द्र म भाजपा सरकार होए के बाद दावा करे जात हे कि राज्य के अधिक ल अधिक सहायता मिलही। लेकिन जे रकम मिले हे वोह काफी कम हे। केन्द्र ह तीन राज्य मन ल सूखा राहत के रकम जारी करे हे। जेमा छत्तीसगढ़, मध्यप्रदेश अउ राजस्थान शामिल हे ।
छत्तीसगढ़ सरकार ह 27 म ले 21 जिला ल सूखा ग्रस्त घोषित करे हे। सरवेक्षण के बाद उम्मीदरहिस हे कि किसान मन ल राहत के लायक राशि मिल जाही। सूखा राहत मद म छत्तीसगढ़ ह 4 हजार 401 करोड़ रुपिया मांगिस हे। येमा 1500 करोड़ रुपिया रोजगार गारंटी बर, एखर अलावा 1307 करोड़ रुपिया किसान मन ल फसल क्षतिपूरती बर मांगे गे रिहिस हे। राज्य के 96 तहसील म सरकार कई तरह के योजना मन चलाना चाहत हे। ओखर सेती घलो राशि मांगे गे रिहिस हे।
राज्य के राष्ट्रीय आपदा मोचन निधि ल दस फीसदी रकम घलो नइ मिलिस । ये ल रकम किसान मन के फसल के क्षतिपूरती बर मांगिस हे। 1307 करोड़ के लगभग एक चौथाई हवय। अब कांग्रेस ह येमा मोरचा खोल दे हे। कांग्रेस के संचार प्रमुख शैलेष नितिन त्रिवेदी के कहिना हे कि परदेश के किसान मन के संग छलावा करे गेहे। मामला म सरकार के मंत्री प्रेम प्रकाश पांडेय के कहिना हे दुबारा अपन बात केन्द्र सरकार के आगू रखे जाही।

Related Articles

Leave a Reply

Your email address will not be published. Required fields are marked *

Close