ताजा समाचार

सरकार के खेलाफ आक्रोस व्यक्त करत महिला मन करवाइन मुंडन

संविलियन अउ समायोजन के मांग ल लेके बाल श्रमिक कर्मचारी संघ के धरना जारी

रायपुर। संविलियन अउ समायोजन के मांग ल लेके छत्तीसगढ़ राज्य बाल श्रमिक कर्मचारी संघ के कर्मचारी मन ह आज सिर मुंडवा के सरकार के खेलाफ आक्रोस व्यक्त करिन। संघ के महिला कर्मी मन ह घलो अपन सिर मुंडवा के सरकार के खेलाफ नाराजगी जताइन।
पाछू के 26 दिन ले बाल श्रमिक संघ के 1350 कर्मचारी मन ह रोजेच कोनो न कोनो अधिकारी ल ज्ञापन सउपित रहिन। मंगलवार के सबो जिला के बाल श्रमिक शिक्षक कर्मचारी उपस्थित होके एसडीएम ल संविलयन के मांग ल लेके ज्ञापन सउपिन। संघ के कर्मचारी मन के अतका दिन के धरना करे के बाद घलो सरकार इकर मांग मन ल नजरअंदाज करत हे। येकर ले आक्रोसित संघ के कर्मचारी मन ह पुरुष मन के संग महिला मन ह आज मुंडन करवा के विरोध जताइन। 40 वर्षीय उमा कहार के कहिना हे हम लोगन चार साल ले बेरोजगार बइठे हन। सरकार हमार मांग मन ल लगातार नजरअंदाज करत हे। इही कारण हमन ह विरोध म मुंडन करवात हन।

Related Articles

Leave a Reply

Your email address will not be published. Required fields are marked *

Close