ताजा समाचार

14 ले 18 बरस के छात्रामन ल नइ मिलही मिड-डे मील

स्वसाहायता समूह के अनुबंध ल खत्म करिस, महिला मन ह कलेक्टर ले करिस शिकायत

धमतरी। जिले म प्रशासन के ओर ले देगे एक आदेश ह खलबली मचा दीस हे। दरअसल प्रशासन के ओर ले आदेश जारी करे गेहे कि 14 से 18 बरस के छात्रा मन ल स्कूल म मिड-डे मील के सुविधा नइ मिल ही।
दरअसल स्कूल मन म मिल-डे मील पहुंचाए के काम स्वसहायता समूह करत रहिन हे। लेकिन प्रशासन के ओर ले जारी ये आदेश म उंखन मन के सामने रोजी-रोटी के संकट पैदा होगे हे। विभाग के ओर ले करेगे करार म पांच साल तक स्वसहायता समूह मन ल स्कूल मन म रेडी टू ईट पहुंचाए के काम देगे रिहिस हे। लेकिन महज दो साल म ही ये करार ल खत्म कर दे गिस ।
स्वसहायता समूह म काम करइया महिला मन ह प्रशासन ने शिकायत कर रोजगार दे के मांग करे हे। जिला म करीब 40 स्वसहायता समूह म 500 ले ज्यादा महिला मन रेडी टू ईट बनाए के काम करत रहिन हे। महिला एवं बाल विकास विभाग ह अब स्वसाहायता समूह के अनुबंध ल खत्म कर दे हे। रेडी टू ईट बनाइया महिला मन ह कलेक्टर ल ज्ञापन सौंपके शिकायत करिस हे।
महिलामन के कहिना हे कि सुपरवाइजर के ओर ले उमन ल मौखिक आदेश देके पोषण आहार न बनाए बर कहे गेहे। समूह म काम करइया महिला मन के मानन तो उमन ह रेडी टू ईट बनाए के भारी मात्रा म कच्चा माल खरीद ले हे। अइसे म अगर रेडी टू ईट बंद कर दे जात हे तो उमन ल भारी नुकसान के सामना करे बर पड़ही।
‘जरूरत पड़ही तो करबो संपर्क’
मामला म महिला एवं बाल विवास विभाग के ओर ले सरकार के आदेश के हवाला देवत हुए कहे गेहे कि फिलहाल 14 ले 18 बरस के छात्रा मन ल मिड-डे मील दे बर रोक लगा दे गेहे। अउ आगू अगर रेडी टू ईट बनाए के जरूरत पड़ही तो समूह ले संपर्क करे जाही।

Related Articles

Leave a Reply

Your email address will not be published. Required fields are marked *

Close