Uncategorizedताजा समाचार

15 दिन पहिली जेमन जलाइन पोस्टर, अब उमन लगाइस रमन के जयकारा …वजह जानव

कांकेर । 15 दिन पहिली 2 अप्रैल के एसटी- एससी एक्ट म सुप्रीम कोर्ट द्वारा संशोधन करके विरोध म एसटी -एससी वर्ग ह भारत बंद को ऐलान करे रिहिस हो, ये दउरान कांकेर म प्रदर्शन के बखत मुख्यमंत्री रमन सिंह के पोस्टर घलो जलाए गिस हे, लेकिन मंगलवार के मात्रागत त्रुटि सुधर के समाज ल लाभ दिलाए के बाद आयोजित आभार सभा म मुख्यमंत्री के जमकर जयकारा लगाए गिस।
एसटी-एससी संयुक्त वर्ग के द्वारा आयोजित आभार कार्यक्रम म पहुंचे मुख्यमंत्री रमन सिंह ह जाति मन के मात्रागत त्रुटि म सुधार कर उमन ल अजा अउ अजजा वर्ग के लाभ दिलाए के अपन जीवन के दूसर सबले बड़े फइसला बताइस हे । मुख्यमंत्री रमन सिंह एसटी-एससी वर्ग के द्वारा शहर के नरहरदेव मैदान म आयोजित करेगे विशाल आभार सभा म शामिल होइस , ये दउरान उंखर संग SC/ST मंत्री केदार कश्यप घलो मौजूद रहिन हे। सीएम ह सभा ल संबोधित करत हुए कहिन कि ’14 बरस के कार्यकाल म मोर सबले बड़े फइसला खाद्य सुरक्षा योजना रिहिस हे, जेमा प्रदेश म गरीबी रेखा ले नीचे जीवन यापन करइया मन ल 3 रुपिया किलो चावल देय के निर्णय करे रहे हव।’
SC/ST वर्ग के सुरक्षा बर सरकार तत्पर
सभा ल संबोधित करत हुए रमन सिंह ह कहिन कि , ‘अंग्रेजी म मात्रागत त्रुटि के चलत अब्बड़ अकन जाति मन ल एसटी एससी कानून के लाभ नइ मिल पावत रिहिस हे, जे ह चिंताजनक रहिन हे । 22 अनुसूचित जाति अउ 5 अनुसूचित जनजाति ल एसटी एससी कानून के लाभ नइ मिल पावत रहिस हे , जेखर बर प्रदेश सरकार ह कोशिश करिस हे अउ ये नतीजा हे कि, ये सबो जाति मन ल येखर लाभ मिलही। उमन कहिन कि, ‘प्रदेश के भाजपा सरकार एसटी-एससी वर्ग के सुरक्षा बर हमेशा ले तत्पर रहे हे।’
अजजा मंत्री के पीठ ल थपथपाइस
मुख्यमंत्री हकहिन कि, ‘मात्रागत त्रुटि के सुधर कर के बचे सबो जाति मन ल लाभ दिलवाये म अजजा मंत्री केदार कश्यप ह सबले अधिक जुम्मेदारी निभाइस हे, जेखर बर वो ह बधाई के पात्र हे। मुख्यमंत्री ह अजजा आयोग के अध्यक्ष जीआर राणा के घलो जमके तारीफ करिन हे।

Related Articles

Leave a Reply

Your email address will not be published. Required fields are marked *

Close