ताजा समाचार

निजी अस्पताल म मोतियाबिंद के ऑपरेसन कराए के बाद पछतात हे मरीज मन

ऑपरेसन के बाद सही फॉलोअप नइ होना ल ये समस्या के कारन बतात हे डॉ. ह

गरियाबंद । जिला के सैंकड़ों मरीज रायपुर के निजी अस्पताल म मोतियाबिंद के ऑपरेसन कराए के बाद पछतात हे। ऑपरेसन के बाद ये मरीज मन के देखे के क्षमता कम हो गए हे बल्कि आंखी म दर्द अऊ जलन घलो सुरु हो गए हे। अब ये मरीज मन जिला के सरकारी अस्पताल म पहुंचके अपन ईलाज करवात हे। उहें देवभोग के सामुदायिक स्वास्थ्य केन्द्र के बात करे जाए त इहां पाछु दू महीना म अइसन 70 ले ज्यादा मरीज ईलाज बर पहुंच चुके हे। अस्पताल के नेत्र रोग बिसेसज्ञ डॉ. एसएन पात्र के दावा हे कि ग्रामीन क्षेत्र ले रोज अइसन मरीज ओमन कना आथे। डॉ. पात्र ह ऑपरेसन के बाद सही फॉलोअप नइ होना ल ये समस्या के कारन बतात हे। फेर दूसर मरीज मन ल घलो बेरा म फॉलोअप नइ मिलही त ओमन के आंखी ल घलो नुकसान हो सकत हे।

Related Articles

Leave a Reply

Your email address will not be published. Required fields are marked *

Close