19 के छग सर्व आदिवासी समाज के महासभा , 21 सूत्रीय मांग बर मंथन

रायपुर। छत्तीसगढ़ी सर्व आदिवासी समाज 21 सूत्रीय मांग ल लेकर 19 फरवरी के रावणभाठा मैदान म महासभा करही। अउ मांग ल सरकार के आगू चेतावनी के रूप म रखे जाही। प्रेस क्लब म महासभा के जानकारी देते हुए प्रांतीय महासचिव एनएस मंडावी ह बताइस कि समाज के महासभा म 21 सूत्रीय मांग ल लेकर सबो झन विचार-विमर्श करबों । एमा छग भू-राजस्व संहिता 1959 मसंशोधन, फर्जी जाति प्रमाण पत्र के आधार म सरकारी नौकरी करया मन कार्रवाई, सलाहकार परिषद के गठन, आरक्षण अउ सुविधा म इजाफा, छात्रवृत्ति योजना म ढाई लाख के आय सीमा ल खत्म करना, आउटसोर्सिंग ले बाहरी भर्ती के विरोध व अन्य मांग शामिल हवय।