ताजा समाचार

ये का अभु तक कोनो कंपनी ह नइ भरिस टेण्डर

स्मार्ट सिटी के एरिया बेस्ड डेवपलमेंट क्षेत्र म लगही वाटर मीटर

रायपुर । स्मार्ट सिटी के एरिया बेस्ड डेवपलमेंट (एबीडी) क्षेत्र म 24 घंटा पानी सप्लाई बर स्मार्ट सिटी लिमिटेड ह महीनेभर पहिली टेंडर जारी करि गिस हे, जे चार जुलाई के खुलही।
प्रोजेक्ट म 25 हजार घर मन म 24 घंटा सात दिन पानी सप्लाई होही। यानी नल ल खोलबे त पानी मिलही। उहें पानी के बरबादी ल रोके बर वाटर मीटर लगही। 44 करोड़ के ये प्रोजेक्ट हे। सफल रहही त पूरा सहर म धीरे-धीरे येला विस्तारित करे जाही। लेकिन सूत्र मन बतात हे के अभु तक कोनो कंपनी ह निविदा नइ भरे हे। कंपनी के प्रतिनिधि मन ह सिरिफ रुचि दिखाइन अउ बातचीत करिन। अगर कोनो कंपनी नइ आत हे त स्मार्ट सिटी प्रबंधन री-टेंडर म विचार करही।
मीटर के आधार म लगही सुल्क
अभु निगम के नल मन ले पानी सप्लाई दू वक्त होवत हे अउ येकर सुल्क निर्धारित हे। मीटर लगे के बाद जतना इस्तेमाल करही उतका सुल्क देना होही। येकर ले लोगन म पानी के प्रति जागरूकता आही, अउ सोच-समझ के खरचा करही।
चिप वाले नइ, लगही मैनुअल वाटर मीटर
स्मार्ट सिटी के इंजीनियर ह पहिली घर मन म चिप वाले वाटर मीटर लगाय के प्रोजेक्ट बनाय गे रहिस हे, लेकिन जब सूडा ल ये प्रस्ताव भेजे गिस त ओ ह येला खारिज कर दिस। येकर वजह रहस हे के चिप वाले मीटर के लागत अउ येकर मेंटेनेंस न हो पाना। सूडा के सूझाव म स्मार्ट सिटी प्रबंधन ह फेर मैनुअल वाटर मीटर लगाय के निरनय लिस। येकर लागत करीब आधा हे।
लग चुके हे कई बड़ प्रोजेक्ट म झटका
स्मार्ट सिटी ल बीते कुछु दिन मन म कई बड़ प्रोजेक्ट म झटका लग चुके हे। येकर सबले बड़ उदाहरन हे स्मार्ट रोड प्रोजेक्ट, जेमा सहर के नौ सड़क मन ल स्मार्ट बनाना रहिस हे। येकर टेंडर जारी होइस, स्मार्ट सिटी ह 108 करोड़ रुपिया के बजट तय कर रखे रहिस हे, लेकिन एल-1 आइस 121 करोड़ के। स्मार्ट सिटी ह ये ला बोर्ड ऑफ डॉयरेक्टोरेट (बीओडी) के समक्छ रखिस जेला 13 करोड़ अतिरिक्त के बजट म वर्क-ऑर्डर देय म इन्कार कर दिस। अब दूबारा ले प्रोजेक्ट ल संसोधित कर कुछु अउ सड़क मन ल लेके 180 करोड़ रुपिया ले नया टेंडर जारी होही।

Related Articles

Leave a Reply

Your email address will not be published. Required fields are marked *

Close