बुलेटिन

प्रदेस के करीबन 40 गांव बनही अब नगर पंचायत

मुख्यमंत्री रमन सिंह ह ये बात घोसना करिन

जांजगीर-चांपा। सरकार ह तीर्थ नगरी शिवरीनारायण अउ पामगढ़ ल तहसील के दर्जा दे के घोसना करिस हे। संगे-संग प्रदेस म 10 हजार केआबादी वाले सबो ग्राम पंचायत ल अब नगर पंचायत बनाय जाही। जांजगीर-चांपा म विकास यात्रा के दउरान मुख्यमंत्री रमन सिंह ह ये बात के ऐलान करिन। बछर 2011 के जनगणना म प्रदेस करीबन 40 गांव अइसे हे, जेखर आबादी 10 हजार के करीबन हे।
जानकारी म आय हे कि प्रदेस म अभु 168 नगरीय निकाय हे। बछर 2011 के जनगनना म प्रदेस करीबन 40 गांव अइसे हे, जेकर आबादी 10 हजार के करीब हे। यदि सरकार ह ये योजना ल लागू करत हे त ये सबो नगर पंचायत हो जाही। अभु प्रदेस म 111 नगर पंचायत, 44 नगर पालिका अउ 13 नगर निगम हे।
गांव मन के नगर पंचायत बनाय म लोगन ल टैक्स दे बर पड़ही। नवा निर्माण कराय के पहिली नक्शा मंजूर करना होही। उहे सड़क, बिजली, पानी, सफाई, सौचालय समेत अन्य बुनियादी काम मन बर सरकार के पइसा मिले लगही।

Related Articles

Leave a Reply

Your email address will not be published. Required fields are marked *

Close