छॉलीवुड समाचारताजा समाचार

काली ले प्रदेश के सिनेमाघर म रिलीज होही “पढ़ाई म जीरो तभो ले हीरो”

यू ट्यूब म खूब पसंद करे गे हे फिलिम के गाना, छॉलीवुड ल हे फिलिम ले अब्बड़ उम्मीद

जय जोहार. ओम शिव सांई फिल्म्स के बैनर तले बनईया बहुचर्चित फिलिम “पढ़ाई म जीरो तभो ले हीरो” केे गाने ऐ दौरान यू-ट्यूब म धमाका मचा दे हे। माने जात हे कि फिलिम के गाना ल मिलत लाईक अऊ शेयर के चलत लोगन मन ऐ फिलिम के बेसब्री ले इंतजार करत हे। फिलिम ह काली ले प्रदेश भर के सिनेमाघर में रिलीज होत हे।

पढ़ाई म जीरो तभो ले हीरो के एक गाना जय-जय-जय सियाराम म बजरंगी भाईजान की झलकी मिलथे। जेन ल लोगन मन काफी पसंद करत हे। ऐ गाना म हनुमान जी के विशाल मूर्ति ह सबला आकर्षक लागत हे। संगे संग फिलिम के फिल्मांकन म घलो जी तोड़ मेहनत ट्रेलर ल देख के लागथे। निर्माता जेठू साहू बताथे कि ऐ फिलिम ह एक कसे हुए फिलिम हरे। जेन ह दर्शक मन ल बांध के रखे म कामयाब रही। फिलिम के प्रमोशन दर्शक मन के बीच जिज्ञासा पैदा करे म सफल होवत हे। फिलिम म हीरो अऊ लेखक के संग डायरेक्टर केशव वैष्णव ह बताईन कि फिलिम म पिता व पुत्र के बीच के द्वंद के कहानी हे। फिलिम के निर्माता जेठू साहू हे। गीत-संगीत रोशन वैष्णव के रहे। फिल्म के कलाकार मन म हीरो केशव वैष्णव अऊ हीरोईन सोना द्धिवेदी हे। अन्य कलाकार मन में राशि पाण्डेय, जेठू साहू, उपासना वैष्णव, अरविंद गुप्ता, महावीर, दीपक, शक्ति, नरेश, विजय आदि हे। निर्देशक अऊ लेखक केशव वैष्णव के हे।

Related Articles

Leave a Reply

Your email address will not be published. Required fields are marked *

Close