ताजा समाचारविशेष

125 ‘चैंपियन’ कबूतर मन के चोरी ….… जानव पूरा मामला

सबो प्रतियोगिता म भाग ले चुके रहिन हे.. अउ पदक घलो जीते हे

दुर्ग। दुर्ग के पद्मनाभपुर थाना म कबूतर चोरी के रिपोर्ट दरज होइस हे। ये चोरी रथिन्द्रनाथ मायती के छत ले होइस हे। जिहां कबूतर मन बर छोटे-छोटे घर तैयार करे गेहे। तकरीबन 125 ले जादा कबूतर के चोरी के शिकायत थाना म दरज कराए गेहे। मिले जानकारी के मुताबिक कबूतर के मालिक की शिकायत म पदमनाभपुर चौकी पुलिस ह मामला पंजीबद्ध कर जांच म जुट गिस हे।
कबूतर चोरी के मामला बहुत ही ख़ास हे कबार कि चोरी गे कबूतर कोई आम नइ बल्कि सभी चेम्पियन हे, अउ अब तक ये कबूतर मन ह कई पदक जीत डरे हे। जे कबूतर मन के चोरी होइस हे, वो सबो प्रतियोगिता म भाग ले चुके रहिन हे। अउ पदक घलो जीते हे । पूरा तरह ले ट्रेंड अउ दक्ष ये कबूतर के बदौलत ही रथिन्द्र नाथ मायती ल कई पदक अउ लाखों इनाम के राशि हासिल करे हे।
राजू बंगाली ल ये कबूतर मन ले बेहद प्यार रहिस हे। जब ले ओला कबूतर चोरी के जानकारी मिले हे, वो ह बेहद परेशान हे। दरअसल मई अउ जून म कबूतर के राष्ट्रीय स्तर के प्रतियोगिता हे जेमा ये कबूतर मन ल हिस्सा लेना हे। लेकिन अब वो कबूतर ह गायब होगे हे। शक हे कि प्रतियोगिता के वजह ले ही जान बूझके कबूतर मन के चोरी करे गिस हे।
बताये जात हे कि चोरी होय कबूतर मन म अब्बड़ अकन खासियत रहिन हे। उड़ान अउ उँखर इंटेलिजेंसी लोगन नम ल हैरान कर देत रहिन हे। लिहाजा येखर कीमत घलो लाखों म आंके जात हे। रथिन्द्र ह ये कदर कबूतर के दीवानेा हे कि एक-एक कबूतर की बोली वो ह हजारों-लाखों म लगाए बर तैयार रहिथे। ये कबूतर मन के खासियत ये हे कि इ मन 10 से 12 घंटा लगातार आसमान मउड़ सकत हे। रथिन्द्र के कबूतर ल दिल्ली ,मुंबई के अलावा दूसर राज्य मन ले कबूतर शौक़ीन देखे बर आथे। कबूतर प्रतियोगिता म लगातार चेम्पियन बने रहे के वजह से केन्द्रीय रिजर्व पुलिस बल हैदराबाद म अजय भारतंग ह 25 ले जादा उंच नस्ल के कबूतर उमन ल भेट करे हे। जेमा उमन ह कबूतर मन के पैर मन म डीआईजी लिखे हुए टैग घलो लगा रखे हे। चोरी गे कबूतर मन म 10 ले जादा टैग लगे कबूतर हवय।

Related Articles

Leave a Reply

Your email address will not be published. Required fields are marked *

Close